10.15C Vancouver 10.15C VancouverOct 15, 2026 6:01 PM - Connect Newsroom - Ramandeep Kaur
ਲੈੱਥਬਰਿਜ ਪੁਲਿਸ ਨੇ 42 ਸਾਲਾ ਵਿਅਕਤੀ ਨੂੰ ਮਨੁੱਖੀ ਤਸਕਰੀ ਦੇ ਦੋਸ਼ਾਂ ਹੇਠ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਅਨੁਸਾਰ ਇਹ ਮਾਮਲਾ 29 ਸਤੰਬਰ ਨੂੰ ਸਾਹਮਣੇ ਆਇਆ ਸੀ, ਜਦੋਂ ਮਨੁੱਖੀ ਤਸਕਰੀ ਬਾਰੇ ਸ਼ੱਕੀ ਸੂਚਨਾ ਮਿਲੀ ਸੀ।ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਇੱਕ ਔਰਤ ਨੂੰ ਲੈੱਥਬਰਿਜ ਵਿੱਚ ਤਸਕਰੀ ਦਾ ਸ਼ਿਕਾਰ ਬਣਾਇਆ ਜਾ ਰਿਹਾ ਸੀ।
ਇਸ ਤੋਂ ਇਲਾਵਾ 2018 ਤੋਂ ਕੈਨੇਡਾ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਵੀ ਉਸ ਨਾਲ ਅਜਿਹਾ ਹੋਣ ਦੇ ਸਬੂਤ ਮਿਲੇ ਹਨ। ਪੁਲਿਸ ਨੇ 1 ਅਕਤੂਬਰ ਨੂੰ ਕੋਡੀ ਜੇਮਜ਼ ਬਾਰਨਸ ਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਕਾਬੂ ਕਰ ਲਿਆ। ਗ੍ਰਿਫ਼ਤਾਰੀ ਸਮੇਂ ਉਹ ਪਹਿਲਾਂ ਦੇ ਮਨੁੱਖੀ ਤਸਕਰੀ ਦੇ ਮਾਮਲੇ ਵਿੱਚ ਅਦਾਲਤੀ ਰਿਹਾਈ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕਰ ਰਿਹਾ ਸੀ।
ਬਾਰਨਸ ਉੱਤੇ ਵਿਅਕਤੀਆਂ ਦੀ ਤਸਕਰੀ ਕਰਨ, ਮਨੁੱਖੀ ਤਸਕਰੀ ਤੋਂ ਮਾਲੀ ਲਾਭ ਲੈਣ, ਸੈਕਸ ਸੇਵਾਵਾਂ ਲੈਣ, ਸੈਕਸ ਸੇਵਾਵਾਂ ਦਾ ਇਸ਼ਤਿਹਾਰ ਦੇਣ ਅਤੇ ਰਿਹਾਈ ਦੇ ਹੁਕਮਾਂ ਪਾਲਣਾ ਨਾ ਕਰਨ ਦੇ ਦੋਸ਼ ਲਾਏ ਗਏ ਹਨ।ਅਦਾਲਤੀ ਪੇਸ਼ੀ ਤੋਂ ਬਾਅਦ ਉਸਨੂੰ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ ਅਤੇ ਉਸ ਦੀ ਅਗਲੀ ਪੇਸ਼ੀ 28 ਅਕਤੂਬਰ ਨੂੰ ਨਿਯਮਤ ਕੀਤੀ ਗਈ ਹੈ।
