11.81C Vancouver 11.81C VancouverNov 12, 2020 6:34 PM -
ਲਿਬਰਲ ਸਰਕਾਰ ਵੱਲੋਂ ਹੌਂਗ ਕੌਂਗ 'ਚ ਯੁਵਾ ਵਰਗ ਲਈ ਨਵੇਂ ਇਮੀਗ੍ਰੇਸ਼ਨ ਨਿਯਮ ਐਲਾਨੇ ਗਏ ਹਨ।
ਇਸ ਤਹਿਤ ਕੈਨੇਡਾ 'ਚ ਵਰਕ ਪਰਮਿਟ ਸਥਾਪਿਤ ਕੀਤਾ ਜਾ ਰਿਹਾ ਹੈ, ਜਿਸ ਦੇ ਆਸਰੇ ਪਰਮਾਨੈਂਟ ਰੈਜ਼ੀਡੈਂਸੀ ਲਈ ਕੰਮ 'ਚ ਤੇਜ਼ੀ ਲਿਆਂਦੀ ਜਾ ਸਕੇਗੀ।
ਇਮੀਗ੍ਰੇਸ਼ਨ ਮੰਤਰੀ ਮਾਰਕੋ ਮੈਂਡੀਸਿਨੋ ਨੇ ਇਸ ਸੰਬੰਧੀ ਐਲਾਨ ਕੀਤਾ ਹੈ।
ਹੌਂਗ ਕੌਂਗ 'ਚ ਬਣੇ ਹਾਲਾਤਾਂ ਵਿਚਾਲੇ 3,00,000 ਦੇ ਕਰੀਬ ਕਨੇਡੀਅਨ ਲੋਕਾਂ ਸਮੇਤ ਉੱਥੇ ਦੇ ਵਸਨੀਕਾਂ ਲਈ ਪਲੈਨ ਐਲਾਨੇ ਗਏ ਹਨ।
ਮੈਂਡੀਸਿਨੋ ਨੇ ਕਿਹਾ ਕਿ ਇਸ ਟੈਰੀਟਰੀ 'ਚ ਰਹਿੰਦੇ ਕਨੇਡੀਅਨ ਨਾਗਰਿਕ ਅਤੇ ਪਰਮਾਨੈਂਟ ਰੈਜ਼ੀਡੈਂਟ, ਕਿਸੇ ਵੀ ਵੇਲੇ ਕੈਨੇਡਾ ਪਰਤ ਸਕਦੇ ਹਨ। ਕਿਸੇ ਵੀ ਦਸਤਾਵੇਜ਼ ਦੀ ਲੋੜ ਹੋਵੇਗੀ ਤਾਂ ਔਟਵਾ ਵੱਲੋਂ ਤੁਰੰਤ ਉਪਲਬਧ ਕਰਵਾਇਆ ਜਾਵੇਗਾ।
ਹੌਂਗ ਕੌਂਗ ਦਾ "ਇੱਕ ਦੇਸ਼-ਦੋ ਸਿਸਟਮ" ਦੇ ਫ੍ਰੇਮਵਰਕ ਤਹਿਤ ਆਪਰੇਟ ਕਰਨਾ ਤੈਅ ਮੰਨਿਆ ਜਾ ਰਿਹਾ ਸੀ, ਜਦ ਬ੍ਰਿਟੇਨ ਨੇ ਆਪਣੀ ਸਾਬਕਾ ਕੌਲੋਨੀ ਨੂੰ ਸਾਲ 1997 'ਚ ਅੰਤਰਰਾਸ਼ਟਰੀ ਕਰਾਰ ਤਹਿਤ ਬੀਜਿੰਗ ਨੂੰ ਸੌਂਪਿਆ ਸੀ।
ਪਰ ਮਨੁੱਖੀ ਅਧਿਕਾਰ ਅਤੇ ਪ੍ਰੋ-ਡੈਮੋਕਰੈਸੀ ਐਡਵੋਕੇਟਸ ਦਾ ਕਹਿਣਾ ਹੈ ਕਿ ਬੀਜਿੰਗ ਦਾ ਨਵਾਂ ਨੈਸ਼ਨਲ ਸਿਕਿਉਰਿਟੀ ਕਨੂੰਨ, ਹੌਂਗ ਕੌਂਗ ਦੀ ਆਜ਼ਾਦੀ ਲਈ ਖਤਰਾ ਬਣ ਗਿਆ ਹੈ।
ਅੱਜ ਦੇ ਐਲਾਨ ਤੋਂ ਬਾਅਦ ਚੀਨ ਅਤੇ ਕੈਨੇਡਾ ਵਿਚਾਲੇ ਜਾਰੀ ਕੁੜੱਤਣ, ਹੋਰ ਵਧਣ ਦੇ ਆਸਾਰ ਹਨ।
ਯਾਦ ਰਹੇ ਕੈਨੇਡਾ 'ਚ ਦਿਸੰਬਰ 2018 'ਚ ਹੋਈ ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੀ ਗ੍ਰਿਫਤਾਰੀ ਤੋਂ ਬਾਅਦ, ਦੋ ਕਨੇਡੀਅਨ, ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪੇਵਰ ਚੀਨ ਦੀ ਗ੍ਰਿਫਤ 'ਚ ਹਨ।
ਜਿਸ ਤੋਂ ਬਾਅਦ ਦੋਨਾਂ ਦੇਸ਼ਾਂ ਵਿਚਾਲੇ ਖਟਾਸ ਜਾਰੀ ਰਹੀ ਹੈ।
