ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਉਮੀਦਵਾਰ ਅੱਜ ਰਾਤ ਹੋਣਗੇ ਆਹਮੋ-ਸਾਹਮਣੇ

ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਬਣਨ ਲਈ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਉਮੀਦਵਾਰ ਅੱਜ ਰਾਤ ਮਾਂਟਰੀਅਲ ਵਿਚ ਫਰੈਂਚ ਭਾਸ਼ਾ ਦੀ ਬਹਿਸ ਵਿਚ ਆਹਮੋ-ਸਾਹਮਣੇ ਹੋਣਗੇ। ਹੁਣ ਇਸ ਦੌੜ ਵਿਚ ਸਿਰਫ 4 ਉਮੀਦਵਾਰ ਬਚੇ ਹਨ, ਜਿਨ੍ਹਾਂ ਵਿਚ ਸਾਬਕਾ ਗਵਰਨਰ ਮਾਰਕ ਕਾਰਨੀ, ਸਾਬਕਾ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ, ਸਾਬਕਾ ਹਾਊਸ ਲੀਡਰ ਕਰੀਨਾ ਗੂਲਡ ਅਤੇ ਸਾਬਕਾ ਲਿਬਰਲ ਐਮਪੀ ਫਰੈਂਕ ਬੇਲਿਸ ਸ਼ਾਮਲ ਹਨ। 5ਵੀਂ ਸੰਭਾਵੀ ਉਮੀਦਵਾਰ ਰੂਬੀ ਢੱਲਾ ਨੂੰ ਪਾਰਟੀ ਵਲੋਂ ਸ਼ੁੱਕਰਵਾਰ ਲੀਡਰਸ਼ਿਪ ਦੌੜ ​​ਤੋਂ ਅਯੋਗ ਕਰਾਰ ਦਿੱਤਾ ਗਿਆ ਸੀ।

ਉਥੇ ਹੀ, ਮਾਂਟਰੀਅਲ ਵਿਚ ਅੱਜ ਹੋਣ ਵਾਲੀ ਫਰੈਂਚ ਡਿਬੇਟ ਕਾਰਨੀ ਲਈ ਪ੍ਰਮੁੱਖ ਪ੍ਰੀਖਿਆ ਹੋਵੇਗੀ, ਕਿਹਾ ਜਾਂਦਾ ਹੈ ਕਿ ਐਡਮਿੰਟਨ ਵਿਚ ਉਨ੍ਹਾਂ ਦੀ ਪਹਿਲੀ ਸਿਆਸੀ ਫਰੈਂਚ ਸਪੀਚ ਨੂੰ ਕੁਝ ਲੋਕਾਂ ਨੇ ਆਲੋਚਨਾ ਕੀਤੀ ਸੀ, ਉਨ੍ਹਾਂ ਦਾ ਕਹਿਣਾ ਸੀ ਕਿ ਇਹ ਇੰਨੀ ਵਧੀਆ ਨਹੀਂ ਸੀ।

ਗੌਰਤਲਬ ਹੈ ਕਿ ਕਾਰਨੀ ਲੀਡਰਸ਼ਿਪ ਦੌੜ ਵਿਚ ਫਰੰਟ-ਰਨਰ ਮੰਨੇ ਜਾਂਦੇ ਹਨ। ਸੋਮਵਾਰ ਦੀ ਫਰੈਂਚ ਡਿਬੇਟ ਤੋਂ ਬਾਅਦ ਇਹ ਉਮੀਦਵਾਰ ਮੰਗਲਵਾਰ ਨੂੰ ਇੰਗਲਿਸ਼ ਡਿਬੇਟ ਵਿਚ ਮੰਚ ਸਾਂਝਾ ਕਰਨਗੇ। ਇਸ ਤੋਂ ਬਾਅਦ 9 ਮਾਰਚ ਨੂੰ ਲਿਬਰਲਸ ਵਲੋਂ ਆਪਣਾ ਨਵਾਂ ਲੀਡਰ ਚੁਣਨ ਲਈ ਵੋਟ ਕੀਤੀ ਜਾਵੇਗੀ।