20.61C Vancouver 20.61C VancouverSep 9, 2025 5:04 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ 15 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੇ ਹਾਊਸ ਔਫ ਕੌਮਨਜ਼ ਦੇ ਸੈਸ਼ਨ ਦੀ ਤਿਆਰੀ ਲਈ ਅੱਜ ਤੋਂ 12 ਸਤੰਬਰ ਤੱਕ ਐਡਮਿੰਟਨ ਵਿਚ ਆਪਣੇ ਕਾਕਸ ਨਾਲ ਜੁੜ ਰਹੇ ਹਨ। ਸੰਸਦ ਦੀ ਫਾਲ ਸੀਟਿੰਗ ਕਾਫ਼ੀ ਵਿਅਸਤ ਰਹਿਣ ਵਾਲੀ ਹੈ। ਲਿਬਰਲ ਸਰਕਾਰ ਵਲੋਂ ਅਕਤੂਬਰ ਵਿਚ ਬਜਟ ਵੀ ਪੇਸ਼ ਕੀਤਾ ਜਾਵੇਗਾ ਅਤੇ ਇਸ ਵਾਰ ਹਾਊਸ ਵਿਚ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਵੀ ਮੌਜੂਦ ਹੋਣਗੇ।
ਪ੍ਰਧਾਨ ਮੰਤਰੀ ਨੇ ਵਾਅਦਾ ਕੀਤਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਖਰਚ ਘੱਟ ਅਤੇ ਜ਼ਿਆਦਾ ਇਨਵੈਸਟ ਕਰੇਗੀ ਅਤੇ ਅਕਤੂਬਰ ਦੇ ਬਜਟ ਤੋਂ ਇਸ ਬਾਰੇ ਸੰਕੇਤ ਮਿਲਣ ਦੀ ਉਮੀਦ ਹੈ ਕਿ ਪ੍ਰਧਾਨ ਮੰਤਰੀ ਇਸ ਵਚਨਬੱਧਤਾ ਨੂੰ ਕਿਵੇਂ ਪੂਰਾ ਕਰਨਗੇ। ਇਸ ਤੋਂ ਇਲਾਵਾ ਲਿਬਰਲਜ਼ ਨੇ ਸਪਰਿੰਗ ਸੈਸ਼ਨ ਵਿਚ ਕਈ ਬਿੱਲ ਪੇਸ਼ ਕੀਤੇ ਸਨ, ਜੋ ਸਦਨ ਦੇ ਸਾਹਮਣੇ ਹਨ।
ਕਾਰਨੀ ਨੇ ਪਿਛਲੇ ਦਿਨੀਂ ਇਹ ਵੀ ਕਿਹਾ ਸੀ ਕਿ ਉਹ ਆਉਣ ਵਾਲੇ ਦਿਨਾਂ ਵਿਚ ਹਾਊਸਿੰਗ ਸਬੰਧੀ ਇੱਕ ਐਲਾਨ ਕਰਨਗੇ। ਇਸ ਤੋਂ ਇਲਾਵਾ ਅਗਲੇ ਮਹੀਨੇ ਉਹ ਹਾਊਸ ਔਫ ਕੌਮਨਜ਼ ਵਿਚ ਜ਼ਮਾਨਤ ਵਿੱਚ ਸੁਧਾਰ ਲਈ ਪ੍ਰਸਤਾਵ ਵੀ ਰੱਖਣਗੇ,ਜਿਸ ਤਹਿਤ ਰੀਪੀਟ ਅਫੈਂਡਰਜ਼ ਲਈ ਜ਼ਮਾਨਤ ਮਿਲਣਾ ਮੁਸ਼ਕਲ ਬਣਾਇਆ ਜਾਵੇਗਾ।
