12.76C Vancouver 12.76C VancouverDec 3, 2020 4:38 PM -
ਕੰਜ਼ਰਵੇਟਿਵ ਪਾਰਟੀ ਦੇ ਲੀਡਰ ਐਰਿਨ ਓ’ਟੂਲ ਮੁਤਾਬਕ ਕੋਵਿਡ -19 ਦੇ ਵੈਕਸੀਨ ਸੰਬੰਧੀ ਲਿਬਰਲ ਸਰਕਾਰ ਦੀ ਪਾਰਦਰਸ਼ਤਾ ਦੀ ਘਾਟ ਕਨੇਡੀਅਨ ਲੋਕਾਂ ਵਿੱਚ ਚਿੰਤਾ ਦਾ ਕਾਰਨ ਬਣੀ ਹੋਈ ਹੈ।
ਓ’ਟੂਲ ਅਨੁਸਾਰ ਕਨੇਡੀਅਨ ਲੋਕਾਂ ਨਾਲ ਵੈਕਸੀਨ ਦੇ ਉਮੀਦਵਾਰਾਂ ਦੀ ਰਿਸਰਚ ਅਤੇ ਮਨਜ਼ੂਰੀ ਸਬੰਧੀ ਵੇਰਵੇ ਸਾਂਝੇ ਕੀਤੇ ਜਾਣੇ ਚਾਹੀਦੇ ਹਨ।
ਉਨ੍ਹਾਂ ਕਿਹਾ ਕਿ ਇਹ ਜਾਣਕਾਰੀ ਵੀ ਰੈਪਿਡ ਟੈਸਟਾਂ ਵਾਂਗ ਕੋਵਿਡ -19 ਨੂੰ ਠੱਲ ਪਾਉਣ ਲਈ ਬਹੁਤ ਅਹਿਮ ਹੈ।
ਫੈਡਰਲ ਕੰਜ਼ਰਵੇਟਿਵ ਪਾਰਟੀ ਵੱਲੋਂ ਸਰਕਾਰ ਦੇ ਵੈਕਸੀਨ ਦੀ ਡਿਸਟ੍ਰੀਬਿਊਸ਼ਨ ਦੇ ਵੇਰਵਿਆਂ ਦੇ ਖੁਲਾਸੇ ਦੀ ਮੰਗ ਕਰਦਾ ਇਕ ਮਤਾ ਅੱਜ ਪਾਰਲੀਮੈਂਟ ਵਿੱਚ ਪੇਸ਼ ਕੀਤਾ ਜਾਵੇਗਾ।
ਪਾਰਟੀ ਨੇ ਸਰਕਾਰ ਨੂੰ ਅਜਿਹਾ ਕਰਨ ਲਈ 16 ਦਸੰਬਰ ਤੱਕ ਦਾ ਸਮਾਂ ਦਿੱਤਾ ਹੈ।
ਬਾਕੀ ਚੀਜ਼ਾਂ ਤੋਂ ਅਲਾਵਾ ਟੋਰੀ ਪਾਰਟੀ ਇਹ ਜਾਣਨਾ ਚਾਹੁੰਦੀ ਹੈ ਕਿ ਕਿਸ ਕਿਸਮ ਦਾ ਟੀਕਾ ਕਿਵੇਂ, ਕਿਸ ਦੁਆਰਾ ਅਤੇ ਕਿਸ ਨੂੰ ਦਿੱਤਾ ਜਾਵੇਗਾ।
ਓ’ਟੂਲ ਮੁਤਾਬਕ ਭਾਵੇਂ ਵੈਕਸੀਨ ਦੀ ਮਨਜ਼ੂਰੀ ਦੀ ਕੋਈ ਤਾਰੀਕ ਨਿਰਧਾਰਤ ਨਹੀਂ ਹੋਈ ਪਰ ਇਸ ਦਾ ਇਹ ਮਤਲਬ ਨਹੀਂ ਕਿ ਵੈਕਸੀਨ ਡਿਸਟਰੀਬਿਊਸ਼ਨ ਦੇ ਸਬੰਧ ਵਿੱਚ ਯੋਜਨਾ ਤਿਆਰ ਨਾ ਕੀਤੀ ਜਾਵੇ।
