16.9C Vancouver 16.9C VancouverNov 24, 2020 3:13 AM -
ਕੈਨੇਡਾ ਦੀ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਅੱਜ ਕਿਹਾ ਹੈ ਕਿ ਹੁਣ ਬਹੁਤੇ ਲੋਕਾਂ ਦਾ ਧਿਆਨ ਵੈਕਸੀਨ 'ਤੇ ਕੇਂਦ੍ਰਿਤ ਹੈ, ਅਤੇ ਅਜਿਹਾ ਹੋਣਾ ਵੀ ਚਾਹੀਦਾ ਹੈ ਕਿਉਂਕਿ ਇਹ ਹਨੇਰੀ ਗੁਫ਼ਾ ਦੇ ਅੰਤ 'ਚ ਵਿਖਾਈ ਦੇਣ ਵਾਲੀ ਰੌਸ਼ਨੀ ਜਿਹੀ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਲਈ ਚੰਗੀ ਖਬਰ ਇਹ ਹੈ ਕਿ ਦੇਸ਼ ਕੋਲ ਵੈਕਸੀਨ ਹਾਸਿਲ ਕਰਨ ਦੇ ਚੰਗੇ ਆਸਾਰ ਹਨ।
ਉਨ੍ਹਾਂ ਕਿਹਾ ਕਿ ਵੱਡੀ ਗਿਣਤੀ 'ਚ ਡੋਜ਼ਾਂ ਉਪਲਬਧ ਹੋਣਗੀਆਂ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਕੋਲ ਸਾਰੀਆਂ ਲੀਡਿੰਗ ਵੈਕਸੀਨ ਦੇ ਆਰਡਰ ਉਪਲਬਧ ਹਨ।
ਨਵਾਂ ਰੈਂਟ ਰਿਲੀਫ਼ ਪ੍ਰੋਗਰਾਮ ਸ਼ੁਰੂ
ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਨਵਾਂ ਫੈਡਰਲ ਰੈਂਟ ਰਿਲੀਫ ਪ੍ਰੋਗਰਾਮ ਪੈਂਡੇਮਿਕ ਦੀ ਮਾਰ ਝੱਲ ਰਹੇ ਛੋਟੇ ਵਪਾਰਾਂ ਨੂੰ ਲਾਈਫਲਾਈਨ ਪ੍ਰਦਾਨ ਕਰਦਾ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਐਮਰਜੈਂਸੀ ਰੈਂਟ ਸਬਸਿਡੀ ਸਿੱਧੀ ਕਿਰਾਏਦਾਰਾਂ ਨੂੰ ਦਿੱਤੀ ਜਾਵੇਗੀ, ਜੋ ਕਿ ਪਹਿਲਾਂ ਤੋਂ ਵੱਖਰਾ ਹੋਵੇਗਾ ਜਦ ਮਾਲਿਕ ਨੂੰ ਇਸ ਲਈ ਅਪਲਾਈ ਕਰਨਾ ਪੈਂਦਾ ਸੀ।
ਇਸ 'ਚ ਇੱਕ ਰਿਕਵਾਇਰਮੈਂਟ ਹੈ ਕਿ ਅਪਲਾਈ ਕਰਨ ਤੋਂ ਪਹਿਲਾਂ ਰੈਂਟ ਭਰਿਆ ਜਾਵੇ ਪਰ ਲਿਬਰਲਸ ਦਾ ਕਹਿਣਾ ਹੈ ਕਿ ਜਲਦੀ ਹੀ ਇਸ ਰਿਕਵਾਇਰਮੈਂਟ ਨੂੰ ਹਟਾ ਦਿੱਤਾ ਜਾਵੇਗਾ।
30 ਨਵੰਬਰ ਨੂੰ ਦਿੱਤੀ ਜਾਵੇਗੀ ਫੈਡਰਲ ਵਿੱਤੀ ਅਪਡੇਟ
ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਲਿਬਰਲਸ, ਫੈਡਰਲ ਵਿੱਤੀ ਹਾਲਾਤਾਂ ਦੀ ਸਿਹਤ ਦੀ ਅਪਡੇਟ ਬਾਰੇ ਲੰਮੇ ਸਮੇਂ ਤੋਂ ਕੀਤੀ ਜਾ ਰਹੀ ਉਡੀਕ ਨੂੰ 30 ਨਵੰਬਰ ਨੂੰ ਖਤਮ ਕਰਨ ਜਾ ਰਹੇ ਹਨ।
ਉਨ੍ਹਾਂ ਇਹ ਐਲਾਨ ਹਾਊਸ ਆਫ ਕਾਮਨਜ਼ 'ਚ ਕੀਤਾ।
ਸਰਕਾਰ ਨੇ ਇਸ ਵਿੱਤੀ ਸਾਲ ਦਾ ਬਜਟ ਪੇਸ਼ ਨਹੀਂ ਕੀਤਾ ਹੈ, ਪਰ ਜੁਲਾਈ 'ਚ ਦੱਸਿਆ ਸੀ ਕਿ ਫੈਡਰਲ ਸਰਕਾਰ $343.2 ਬਿਲੀਅਨ ਦੇ ਘਾਟੇ ਵੱਲ ਵਧ ਰਹੀ ਹੈ।
