25.3C Vancouver 25.3C VancouverMar 22, 2022 9:46 PM - The Canadian Press
ਬੀ.ਸੀ. 'ਚ ਲੀਲੋਏਟ ਦੇ ਇਲਾਕੇ 'ਚ ਵਾਪਰੇ ਕਤਲ ਦੇ ਮਾਮਲੇ 'ਚ ਇੱਕ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਪੁਲਿਸ ਨੇ ਕਤਲ ਸੰਬੰਧੀ ਜਾਂਚ ਦੀ ਜਾਣਕਾਰੀ ਬੀਤੇ ਹਫ਼ਤੇ ਦਿੱਤੀ ਸੀ।
ਪੁਲਿਸ ਨੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦੀ ਪਛਾਣ 35 ਸਾਲਾ ਜਸਟਿਨ ਐਹਲਰਟ ਵਜੋਂ ਕੀਤੀ ਹੈ।
ਪੁਲਿਸ ਦਾ ਕਹਿਣਾ ਸੀ ਕਿ 15 ਮਾਰਚ ਨੂੰ ਇੱਕ ਵਿਅਕਤੀ ਮੇਨ ਸਟ੍ਰੀਟ ਅਤੇ 6 ਐਵੀਨਿਊ ਦੇ ਇਲਾਕੇ 'ਚ ਗੰਭੀਰ ਜਖਮੀ ਹਾਲਤ 'ਚ ਮਿਲਿਆ ਸੀ।
ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੇ ਦਮ ਤੋੜ ਦਿੱਤਾ ਸੀ।
ਅੱਜ ਪੁਲਿਸ ਨੇ ਪੀੜਤ ਦੀ ਪਛਾਣ ਸਾਂਝੀ ਕੀਤੀ ਹੈ।
ਪੀੜਤ ਦੀ ਉਮਰ 25 ਸਾਲ ਅਤੇ ਉਸ ਦਾ ਨਾਮ ਲੀਲੈਂਡ ਐਲਿਕਜੈਂਡਰ ਦੱਸਿਆ ਗਿਆ।
ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਮਾਮਲੇ 'ਚ ਇੱਕ ਸ਼ੱਕੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਉਸ 'ਤੇ ਕਤਲ ਦੇ ਦੋਸ਼ ਲੱਗੇ ਹਨ।
