14.24C Vancouver 14.24C VancouverJun 28, 2021 7:17 PM -
ਬੀ.ਸੀ. ਦੇ ਉੱਤਰਪੱਛਮੀ ਇਲਾਕੇ 'ਚ ਪੁਲਿਸ ਵੱਲੋਂ ਇੱਕ ਚਰਚ ਵਿੱਚ ਲੱਗੀ ਸ਼ੱਕੀ ਅੱਗ ਦੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਨਿਊ ਹੇਜ਼ਲਟਨ ਆਰ.ਸੀ. ਐਮ.ਪੀ. ਦਾ ਕਹਿਣਾ ਹੈ ਕਿ ਅੱਗ ਲੱਗਣ ਦੀ ਘਟਨਾ ਸ਼ਨੀਵਾਰ ਸਵੇਰੇ ਰਿਪੋਰਟ ਹੋਈ ਸੀ।
ਮਾਮਲਾ ਗਿਟਵਾਂਕ ਫਰਸਟ ਨੇਸ਼ਨ ਨਾਲ ਸੰਬੰਧਤ ਹੈ।
ਅੱਗ 'ਤੇ ਜਲਦੀ ਹੀ ਕਾਬੂ ਪਾ ਲਿਆ ਗਿਆ ਸੀ।
ਅੱਗ ਕਾਰਨ ਬਹੁਤੇ ਨੁਕਸਾਨ ਜਾਂ ਕਿਸੇ ਦੇ ਜਖਮੀ ਹੋਣ ਤੋਂ ਬਚਾਅ ਰਿਹਾ।
ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਅੱਗ ਲੱਗਣ ਦੀ ਘਟਨਾ ਦਾ ਹਾਲ 'ਚ 4 ਹੋਰ ਚਰਚਾਂ 'ਚ ਲੱਗੀਆਂ ਅੱਗਾਂ ਨਾਲ ਕੋਈ ਸੰਬੰਧ ਤਾਂ ਨਹੀਂ ਹੈ।
ਬਾਕੀ ਦੀਆਂ ਚਰਚਾਂ 'ਚ ਅੱਗਾਂ ਨਾਲ ਜੁੜੀਆਂ ਘਟਨਾਵਾਂ ਦੱਖਣੀ ਓਕਾਨਾਗਨ ਦੀਆਂ ਇੰਡੀਜਨਸ ਕਮਿਊਨਿਟੀਸ 'ਚ ਵਾਪਰੀਆਂ ਸਨ।
ਗਿਟਵਾਂਕ ਬੈਂਡ ਵੱਲੋਂ ਜਾਰੀ ਬਿਆਨ 'ਚ ਕਿਹਾ ਗਿਆ ਹੈ ਕਿ ਸਾਬਕਾ ਐਂਗਲੀਕਨ ਚਰਚ ਦੀ ਹੁਣ ਵਰਤੋਂ ਨਹੀਂ ਹੋ ਰਹੀ ਸੀ ਅਤੇ ਇਹ ਚਰਚ ਕਿਸੇ ਵੀ ਤਰ੍ਹਾਂ ਰੈਜ਼ੀਡੈਂਸ਼ੀਅਲ ਸਕੂਲਾਂ ਨਾਲ ਸੰਬੰਧਤ ਨਹੀਂ ਹੈ।
ਯਾਦ ਰਹੇ ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਵੀ ਹੈਡਲੀ ਅਤੇ ਚੋਪਾਕਾ ਦੇ ਇਲਾਕਿਆਂ 'ਚ ਵੀ ਅੱਗ ਲੱਗਣ ਕਾਰਨ 2 ਛੋਟੇ ਚਰਚ ਬੁਰੀ ਤਰ੍ਹਾਂ ਨੁਕਸਾਨੇ ਗਏ ਸਨ।
