18.44C Vancouver 18.44C VancouverNov 23, 2020 4:34 PM -
ਕੋਵਿਡ-19 ਕਾਰਣ ਆਰਥਕ ਸੰਘਰਸ਼ ਕਰ ਰਹੇ ਵਪਾਰਾਂ ਦੇ ਸਹਿਯੋਗ ਲਈ ਫੈਡਰਲ ਸਰਕਾਰ ਦੇ ਕਮਰਸ਼ਲ ਕਿਰਾਏ ਲਈ ਰਾਹਤ ਪ੍ਰੋਗਰਾਮ ਵਾਸਤੇ ਅਰਜ਼ੀਆਂ ਅੱਜ ਤੋਂ ਭੇਜੀਆਂ ਜਾ ਸਕਣਗੀਆਂ।
ਨਵਾਂ ‘ਕੈਨੇਡਾ ਐਮਰਜੈਂਸੀ ਰੈਂਟ ਸਬਸਿਡੀ ਪ੍ਰੋਗਰਾਮ’ ਸਪਰਿੰਗ ਵਿੱਚ ਸ਼ੁਰੂ ਕੀਤੇ ਗਏ ਪ੍ਰੋਗਰਾਮ ਦੀ ਜਗ੍ਹਾ ਤੇ ਹੋਵੇਗਾ ਜਿਸ ਵਿੱਚ ਬਹੁਤੀ ਦਿਲਚਸਪੀ ਨਹੀਂ ਦੇਖਣ ਨੂੰ ਮਿਲੀ ਕਿਉਂਕਿ ਉਸ ਲਈ ਅਰਜ਼ੀਆਂ ਪ੍ਰਾਪਰਟੀ ਮਾਲਕਾਂ ਵੱਲੋਂ ਭੇਜੀਆਂ ਜਾਣੀਆਂ ਸਨ।
ਆਮਦਨੀ ਵਿੱਚ ਆਈ ਗਿਰਾਵਟ ਨੂੰ ਦੇਖਦਿਆਂ ਨਵਾਂ ਪ੍ਰੋਗਰਾਮ ਕਿਰਾਏ ਜਾਂ ਕਮਰਸ਼ਲ ਮੌਰਗੇਜ ਇੰਟਰਸਟ ਦਾ 65 ਫ਼ੀਸਦੀ ਤੱਕ ਹਿੱਸਾ ਪ੍ਰਦਾਨ ਕਰੇਗਾ ਅਤੇ ਸਭ ਤੋਂ ਵੱਧ ਪ੍ਰਭਾਵਤ ਹੋਏ ਕਾਰੋਬਾਰਾਂ ਲਈ 25 ਫ਼ੀਸਦੀ ਵੱਧ ਵੀ ਮੁਹੱਈਆ ਕਰਵਾਇਆ ਜਾਵੇਗਾ।
ਫੈਡਰਲ ਕੈਬਨਿਟ ਮੰਤਰੀਆਂ ਵੱਲੋਂ ਸੋਮਵਾਰ ਨੂੰ ਇੱਕ ਸੰਬੋਧਨ ਦੌਰਾਨ ਨਵੇਂ ਪ੍ਰੋਗਰਾਮ ਦੇ ਵੇਰਵੇ ਸਾਂਝੇ ਕੀਤੇ ਜਾਣਗੇ ਅਤੇ ਨਾਲ ਹੀ ਬਲੈਕ ਕਨੇਡੀਅਨ ਵਿਅਕਤੀਆਂ ਦੀ ਮਲਕੀਅਤ ਵਾਲੇ ਵਪਾਰਾਂ ਲਈ ਖਾਸ ਉਪਰਾਲਿਆਂ ਬਾਰੇ ਵੀ ਜਾਣਕਾਰੀ ਪ੍ਰਦਾਨ ਕੀਤੀ ਜਾਵੇਗੀ।
ਕੈਨੇਡਾ ਭਰ ਵਿੱਚ ਛੋਟੇ ਕਾਰੋਬਾਰਾਂ ਦੀ ਨੁਮਾਇੰਦਗੀ ਕਰਦੀ ‘ਕਨੇਡੀਅਨ ਫੈਡਰੇਸ਼ਨ ਆਫ ਇੰਡੀਪੈਂਡੈਂਟ ਬਿਜ਼ਨਸ’ ਵੱਲੋਂ ਇਸ ਨਵੇਂ ਪ੍ਰੋਗਰਾਮ ਦਾ ਸਵਾਗਤ ਕੀਤਾ ਜਾ ਰਿਹਾ ਹੈ।
ਪਰ ਨਾਲ ਹੀ ਇਸ ਗੱਲ ਦੀ ਆਲੋਚਨਾ ਵੀ ਕੀਤੀ ਜਾ ਰਹੀ ਹੈ ਕਿ ਇਸ ਪ੍ਰੋਗਰਾਮ ਰਾਹੀਂ ਪਹਿਲੇ ਪ੍ਰੋਗਰਾਮ ਦੇ ਯੋਗ ਵਿਅਕਤੀਆਂ ਨੂੰ ਸਹਿਯੋਗ ਨਹੀਂ ਮਿਲ ਸਕੇਗਾ ਜੋ ਇਸ ਕਰਕੇ ਫੈਡਰਲ ਫੰਡ ਤੋਂ ਮਦਦ ਨਹੀਂ ਲੈ ਸਕੇ ਸਨ ਕਿਉਂਕਿ ਉਨ੍ਹਾਂ ਦੇ ਪ੍ਰਾਪਰਟੀ ਮਾਲਕਾਂ ਨੇ ਅਰਜ਼ੀਆਂ ਨਹੀਂ ਭੇਜੀਆਂ ਸਨ।
