20.35C Vancouver 20.35C VancouverApr 28, 2020 2:54 AM -
ਭਾਰਤ 'ਚ ਇੱਕ ਲੌਰੀ ਚਾਲਕ ਨੂੰ ਲੈਕੇ ਖਬਰਾਂ ਸੁਰਖੀਆਂ 'ਚ ਹਨ।
ਇਸ ਲੌਰੀ ਚਾਲਕ ਨੇ ਇਲਾਕੇ ਨੂੰ ਸੈਨੀਟਾਈਜ਼ ਕਰਨ ਦੀ ਜਿੰਮੇਵਾਰੀ ਚੁੱਕੀ ਹੋਈ ਹੈ।
ਮਾਮਲਾ ਆਂਧਰ ਪ੍ਰਦੇਸ਼ ਦਾ ਹੈ।
ਕ੍ਰਿਸ਼ਨਾ ਜਿਲ੍ਹੇ ਦੇ ਗੰਨਾਵਰਮ ਪਿੰਡ ਦਾ ਰਵੀਂਦਰ ਰੈੱਡੀ ਸੜਕਾਂ ਅਤੇ ਕੋਲ ਤੋਂ ਲੰਘਦੇ ਵਾਹਨਾਂ 'ਤੇ ਸੋਡੀਅਮ ਹਾਈਪੋਕਲੋਰਾਈਟ ਲਿਕਵਿਡ ਸੁੱਟ ਕੇ ਉਨ੍ਹਾਂ ਨੂੰ ਸੈਨੀਟਾਈਜ਼ ਕਰਦਾ ਹੈ।
ਰਵੀਂਦਰ ਰੈੱਡੀ ਦਾ ਮੰਨਣਾ ਹੈ ਕਿ ਕਿਸੇ ਵਿਅਕਤੀ ਦਾ ਐਕਸ਼ਨ ਉਸਦੇ ਸ਼ਬਦਾਂ ਤੋਂ ਵਧੇਰੇ ਮਜਬੂਤ ਹੁੰਦਾ ਹੈ।
ਓਹ ਕੋਰੋਨਾ ਵਾਇਰਸ ਕਾਰਨ ਬਣੇ ਸੰਕਟ ਦੇ ਹਾਲਾਤਾਂ 'ਚ ਸੋਸਾਇਟੀ ਲਈ ਕੁਝ ਵਾਪਿਸ ਦੇਣਾ ਚਾਹੁੰਦਾ ਹੈ।
ਰੈੱਡੀ ਨੇ ਇਸਦੇ ਲਈ ਇੱਕ ਟਰੈਕਟਰ ਕਿਰਾਏ 'ਤੇ ਲਿਆ ਅਤੇ ਇੱਕ ਸਪਰੇਅ ਸੰਬੰਧੀ ਹੈਂਡਗਨ ਖਰੀਦੀ।
ਰੈੱਡੀ ਨੇ ਕਿਹਾ ਕਿ, ਓਹ ਆਪਣੇ ਪਿੰਡ 'ਚ ਸੋਡੀਅਮ ਹਾਈਪੋਕਲੋਰਾਈਟ ਦਾ ਛਿੜਕਾਅ 26 ਮਾਰਚ ਤੋਂ ਕਰ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਬਹੁਤ ਚੰਗਾ ਹੋਵੇਗਾ ਜੇਕਰ ਹਰ ਕੋਈ ਸਮਾਜ ਦੇ ਲਈ ਯੋਗਦਾਨ ਪਾਵੇ।
ਰੈੱਡੀ ਨੇ ਦੱਸਿਆ ਕਿ ਇਸਤੇ ਕਰੀਬ 2,500 ਤੋਂ 3,000 ਰੁਪਏ ਦਾ ਖਰਚਾ ਆ ਜਾਂਦਾ ਹੈ।
ਉਨ੍ਹਾਂ ਕਿਹਾ ਕਿ ਓਹ ਸਭ ਆਪਣੇ ਦਮ 'ਤੇ ਕਰ ਰਹੇ ਹਨ।
ਉਨ੍ਹਾਂ ਦੱਸਿਆ ਕਿ ਹੁਣ ਤਕ ਕੁੱਲ ਖਰਚਾ 40,000 ਰੁਪਏ ਦੇ ਕਰੀਬ ਦਾ ਹੋ ਗਿਆ ਹੈ।
