19.73C Vancouver 19.73C VancouverOct 5, 2020 8:40 PM -
ਜਾਣਿਆ-ਮਾਣਿਆ ਇਮੀਗ੍ਰੇਸ਼ਨ ਪ੍ਰੋਗਰਾਮ, ਜਿਸ ਦੇ ਨਾਲ ਲੋਕ ਆਪਣੇ ਮਾਪੇ ਅਤੇ ਗਰੈਂਡ-ਪਰੈਂਟਸ ਨੂੰ ਕੈਨੇਡਾ ਬੁਲਾਉਣ ਲਈ ਸਪੇਂਸਰ ਕਰਦੇ ਹਨ, ਹੁਣ ਮੁੜ ਲੌਟਰੀ ਸਿਸਟਮ ਵੱਲ ਜਾ ਰਿਹਾ ਹੈ।
ਫੈਡਰਲ ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕੋ ਮੈਨਡੀਚੀਨੋ ਵੱਲੋਂ ਅੱਜ 'ਪੇਰੈਂਟ ਐਂਡ ਗਰੈਂਡਪੇਰੈਂਟ ਪ੍ਰੋਗਰਾਮ' ਦੇ ਰੀਲੌਂਚ ਦੀ ਘੋਸ਼ਣਾ ਕੀਤੀ ਗਈ ਹੈ. ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਇਹ 13 ਅਕਤੂਬਰ ਤੋਂ ਅਰਜ਼ੀਆਂ ਲਈ ਖੁੱਲ੍ਹ ਜਾਵੇਗਾ।
ਆਮ ਤੌਰ 'ਤੇ ਇਹ ਪ੍ਰੋਗਰਾਨ ਜਨਵਰੀ ਵਿਚ ਖੁੱਲ੍ਹਦਾ ਹੈ, ਪਰ ਇਸ ਵਿਚ ਦੇਰੀ ਕੀਤੀ ਗਈ, ਕਿਉਂਕਿ ਅਧਿਕਾਰੀ ਚਾਹੁੰਦੇ ਸਨ ਕਿ ਇਸ ਵਿਚ ਤਬਦੀਲੀ ਕਰਕੇ ਫ਼ਰਸਟ ਕਮ ਫਰਸਟ ਸਰਵ ਦੇ ਹਿਸਾਬ ਨਾਲ ਕੀਤਾ ਜਾਵੇ, ਤਾਂ ਜੋ ਵੱਧ ਰਹੀ ਡੀਮਾਂਡ ਨਾਲ ਨਜਿੱਠਿਆ ਜਾ ਸਕੇ।
ਪਹਿਲਾਂ ਵੀ ਲੌਟਰੀ ਸਿਸਟਮ ਦੀ ਵਰਤੋਂ ਕੀਤੀ ਗਈ ਹੈ ਪਰ ਇਸ ਨਾਲ ਲੋਕਾਂ ਨੂੰ ਬਹੁਤ ਦਿੱਕਤਾਂ ਹੋਈਆਂ ਹਨ ਕਿਉਂਕਿ ਆਪਣੇ ਮਾਪਿਆਂ ਨੂੰ ਕੈਨੇਡਾ ਬੁਲਾਉਣ ਲਈ ਯਤਨ ਕਰ ਰਹੇ ਲੋਕਾਂ ਲਈ ਇਹ ਮਹਿਜ਼ ਕਿਸਮਤ ਦੀ ਖੇਡ ਬਣ ਗਈ ਸੀ।
ਇਸ ਸਾਲ ਲੌਂਚ ਕੀਤੇ ਜਾਣ ਵਾਲੇ ਸਿਸਟਮ ਵਿਚ ਫਿਰ ਤੋਂ ਕੋਵਿਡ-19 ਪੈਨਡੇਮਿਕ ਕਾਰਨ ਦੇਰੀ ਹੋ ਗਈ ਅਤੇ ਇਸ ਪ੍ਰੋਗਰਾਮ ਨੂੰ ਫਿਰ ਤੋਂ ਸ਼ੁਰੂ ਕਰਨ ਲਈ ਲੌਟਰੀ ਸਿਸਟਮ 'ਤੇ ਵਾਪਿਸ ਪਰਤਿਆ ਗਿਆ।
ਸਰਕਾਰ ਦਾ ਕਹਿਣਾ ਹੈ ਕਿ ਉਹ ਇਸ ਸਾਲ 10,000 ਅਰਜ਼ੀਆਂ ਹੀ ਲੈਣਗੇ ਅਤੇ ਉਨ੍ਹਾਂ ਵਚਨਬੱਧਤਾ ਜ਼ਾਹਿਰ ਕੀਤੀ ਹੈ ਕਿ ਅਗਲੇ ਸਾਲ ਤੱਕ ਇਸ ਗਿਣਤੀ ਨੂੰ 30,000 ਕਰ ਦਿੱਤਾ ਜਾਵੇਗਾ।
