13.3C Vancouver 13.3C VancouverMay 14, 2021 12:37 AM -
ਅੱਜ ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਪੋਰਟ ਕੋਕਿਟਲਮ ਵਿਚ ਇਕ ਫੈਂਟਾਨਿਲ ਡਰੱਗ ਲੈਬ ਦਾ ਪਰਦਾਫਾਸ਼ ਕਰਨ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਗਈ।
ਸਾਥੀ ਪੁਲੀਸ ਏਜੰਸੀਆਂ ਦੀ ਮੱਦਦ ਦੇ ਨਾਲ ਸਰ੍ਹੀ ਆਰ.ਸੀ.ਐਮ.ਪੀ. ਵੱਲੋਂ 19 ਅਪ੍ਰੈਲ ਨੂੰ ਪੋਰਟ ਕੋਕਿਟਲਮ ਦੇ ਮੈਕਲੀਨ ਐਵੇਨਿਊ ਦੇ 1900 ਬਲਾਕ ਵਿਚ ਸਥਿਤ ਇਕ ਕਮਰਸ਼ਲ ਵੇਅਰਹਾਊਸ ਵਿੱਚ ਛਾਪਾ ਮਾਰ ਕੇ ਫੈਂਟਾਨਿਲ ਬਣਾਉਣ ਦੀ 37 ਕਿੱਲੋ ਸਮੱਗਰੀ ਜ਼ਬਤ ਕੀਤੀ ਗਈ।
ਪੁਲੀਸ ਮੁਤਾਬਕ ਇਸ ਸਮੱਗਰੀ ਦੇ ਨਾਲ 26 ਕਿੱਲੋ ਖਾਲਸ ਫੈਂਟਾਨਿਲ ਦਾ ਉਤਪਾਦਨ ਕੀਤਾ ਜਾ ਸਕਦਾ ਸੀ।
ਪੁਲੀਸ ਨੇ ਦੱਸਿਆ ਕਿ ਫੈਂਟਾਨਿਲ ਦੀ 2 ਮਿਲੀਗ੍ਰਾਮ ਦੀ ਖੁਰਾਕ ਵੀ ਮਾਰੂ ਸਾਬਤ ਹੋ ਸਕਦੀ ਹੈ, ਜਿਸ ਦਾ ਮਤਲਬ ਹੈ ਕਿ ਇਸ ਛਾਪੇ ਨਾਲ ਪੁਲੀਸ 13 ਮਿਲੀਅਨ ਮਾਰੂ ਖੁਰਾਕਾਂ ਦਾ ਉਤਪਾਦਨ ਰੋਕਣ ਵਿੱਚ ਕਾਮਯਾਬ ਰਹੀ।
