15.27C Vancouver 15.27C VancouverJul 9, 2021 12:59 AM -
ਬੀ.ਸੀ. ਦੇ ਕੈਂਪਬੈਲ ਰਿਵਰ ਇਲਾਕੇ 'ਚ ਇੱਕ ਆਦਮੀ ਅਤੇ ਇੱਕ ਪੁਲਿਸ ਡੌਗ ਦੀ ਮੌਤ ਹੋ ਗਈ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਪੂਰਾ ਮਾਮਲਾ ਪੁਲਿਸ ਅਫ਼ਸਰਾਂ ਦੇ ਨਾਲ ਹੱਥੋਪਾਈ ਨਾਲ ਸੰਬੰਧਤ ਹੈ ਅਤੇ ਇਸ ਦੀ ਜਾਣਕਾਰੀ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫ਼ਿਸ ਨੂੰ ਦੇ ਦਿੱਤੀ ਗਈ ਹੈ।
ਸੂਬੇ 'ਚ ਆਰ.ਸੀ.ਐਮ.ਪੀ. ਦੇ ਮੁੱਖ ਦਫ਼ਤਰ ਤੋਂ ਜਾਰੀ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਮਾਮਲੇ ਦੀ ਸ਼ੁਰੂਆਤ ਉਸ ਵੇਲੇ ਹੋਈ ਸੀ ਜਦ ਇੱਕ ਆਊਟਸਟੈਂਡਿੰਗ ਵਾਰੰਟ ਦੇ ਮਾਮਲੇ 'ਚ ਇੱਕ ਵਾਹਨ ਨੂੰ ਰੋਕਿਆ ਗਿਆ ਸੀ।
ਇਹ ਵਾਹਨ ਨਹੀਂ ਰੁਕਿਆ ਅਤੇ ਇਲਾਕੇ 'ਚ ਹੋਰ ਪੁਲਿਸ ਅਫ਼ਸਰ ਭੇਜੇ ਗਏ।
ਕੁਝ ਸਮੇਂ ਬਾਅਦ ਇਸ ਵਾਹਨ ਨੂੰ ਇੱਕ ਅਫ਼ਸਰ ਨੇ ਰੋਕ ਲਿਆ ਜਿਸ ਤੋਂ ਬਾਅਦ ਹੱਥੋਪਾਈ ਸ਼ੁਰੂ ਹੋਈ ਜਿਸ ਦੌਰਾਨ ਪੁਲਿਸ ਡੌਗ ਨੂੰ ਚਾਕੂ ਮਾਰਿਆ ਗਿਆ ਅਤੇ ਉਸ ਦੀ ਮੌਤ ਹੋ ਗਈ।
ਸ਼ੱਕੀ ਨੂੰ ਇਸੇ ਦੌਰਾਨ ਗੋਲੀ ਮਾਰ ਦਿੱਤੀ ਗਈ ਅਤੇ ਉਸ ਨੂੰ ਮੌਕੇ 'ਤੇ ਹੀ ਮ੍ਰਿਤ ਐਲਾਨ ਦਿੱਤਾ ਗਿਆ ਸੀ।
