13.32C Vancouver 13.32C VancouverMay 21, 2025 5:38 PM - Connect Newsroom
ਚਿਲੀਵੈਕ ਵਿਚ ਇੱਕ ਵਿਅਕਤੀ ਨੂੰ ਪੁਲਿਸ ਵਾਹਨ ਨਾਲ ਟੱਕਰ ਮਾਰਨ ਮਗਰੋਂ ਕਈ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪੁਲਿਸ ਨੇ ਕਿਹਾ ਕਿ 16 ਮਈ 2025 ਨੂੰ ਤੜਕੇ ਇੱਕ ਆਰਸੀਐਮਪੀ ਫਰੰਟ-ਲਾਈਨ ਅਫਸਰ ਗਸ਼ਤ ਕਰ ਰਿਹਾ ਸੀ ਜਦੋਂ ਉਸ ਨੇ ਯੇਲ ਰੋਡ ਅਤੇ ਹੋਜਨਸ ਰੋਡ ਦੇ ਇੰਟਰਸੈਕਸ਼ਨ ਨੇੜੇ ਇੱਕ ਨੀਲੇ ਰੰਗ ਦੀ ਬੀ.ਐਮ.ਡਬਲਿਊ ਦੇ ਡਰਾਈਵਰ ਨੂੰ ਖਰਾਬ ਡਰਾਈਵਿੰਗ ਕਰਦੇ ਦੇਖਿਆ ਅਤੇ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਪੁਲਿਸ ਵਾਹਨ ਅਤੇ ਦੋ ਹੋਰ ਖੜ੍ਹੀਆਂ ਕਾਰਾਂ ਨੂੰ ਟੱਕਰ ਮਾਰ ਕੇ ਭੱਜ ਨਿਕਲਿਆ, ਇਸ ਮਗਰੋਂ ਇਹ ਬੀ.ਐਮ.ਡਬਲਿਊ ਇੱਕ ਹੋਰ ਗੱਡੀ ਨੂੰ ਟੱਕਰ ਮਾਰਨ ਤੋਂ ਬਾਅਦ ਲਾਈਟ ਪੋਲ ਨਾਲ ਟਕਰਾਈ ਅਤੇ ਇਸ ਦੌਰਾਨ ਡਰਾਈਵਰ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ।
ਪੁਲਿਸ ਨੇ ਕਿਹਾ ਕਿ ਡਰਾਈਵਰ ਨੂੰ ਮਾਮੂਲੀ ਸੱਟਾਂ ਦੇ ਇਲਾਜ ਲਈ ਹਸਪਤਾਲ ਵੀ ਲਿਜਾਇਆ ਗਿਆ। ਫਿਲਹਾਲ ਉਸ ਨੂੰ ਜ਼ਮਾਨਤ ਦੀ ਸੁਣਵਾਈ ਤੱਕ ਹਿਰਾਸਤ ਵਿਚ ਰੱਖਿਆ ਗਿਆ ਹੈ ਅਤੇ ਪੁਲਿਸ ਨੇ ਉਸ ਖਿਲਾਫ ਪੀਸ ਔਫੀਸਰ 'ਤੇ ਹਮਲਾ ਕਰਨ, ਖਤਰਨਾਕ ਡਰਾਈਵਿੰਗ, ਪੁਲਿਸ ਤੋਂ ਭੱਜਣ ਦੇ ਚਾਰਜਿਜ਼ ਲਗਾਉਣ ਦੀ ਸਿਫ਼ਾਰਸ਼ ਕੀਤੀ ਹੈ।
