Police say Timothy Isborn faces a second-degree murder charge following their six-day investigation.(Photo: The Canadian Press)
ਵੈਨਕੂਵਰ ਦੇ ਚਾਈਨਾਟਾਊਨ ਨੇੜੇ ਇਕ ਜਪਾਨੀ ਸ਼ੈੱਫ ਦੇ ਕਤਲ ਮਾਮਲੇ ਵਿਚ ਪੁਲਿਸ ਨੇ ਇਕ ਸ਼ੱਕੀ ਨੂੰ ਹਿਰਾਸਤ ਵਿਚ ਲਿਆ ਹੈ । 32 ਸਾਲਾ ਵਾਤਾਰੂ ਕਾਕੀਉਚੀ ਦੀ ਲਾਸ਼ 5 ਜੂਨ ਨੂੰ ਤੜਕੇ ਤਕਰੀਬਨ 3.30 ਵਜੇ ਮੇਨ ਸਟ੍ਰੀਟ ਅਤੇ ਯੂਨੀਅਨ ਸਟ੍ਰੀਟ ਨੇੜੇ ਮਿਲੀ ਸੀ।
ਸੋਮਵਾਰ ਦੁਪਹਿਰ ਪੁਲਿਸ ਨੇ ਟਿਮੋਥੀ ਇਸਬੋਰਨ ਨਾਂ ਦੇ ਸ਼ੱਕੀ ਨੂੰ ਡਾਊਨਟਾਊਨ ਈਸਟਸਾਈਡ ਤੋਂ ਹਿਰਾਸਤ ਵਿਚ ਲਿਆ। ਉਸ ਨੂੰ ਦੂਜੇ ਡਿਗਰੀ ਦੇ ਕਤਲ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸ਼ੱਕੀ ਅਤੇ ਵਿਕਟਿਮ ਇਕ-ਦੂਜੇ ਨੂੰ ਜਾਣਦੇ ਨਹੀਂ ਸਨ। ਗੌਰਤਲਬ ਹੈ ਕਿ ਕਾਕੀਉਚੀ ਲੰਬੇ ਸਮੇਂ ਤੋਂ ਯੇਲਟਾਊਨ ਦੇ ਰੈਸਟਰੈਂਟ ਹਾਪਾ ਇਜ਼ਾਕਾਇਆ ਵਿਚ ਕਈ ਸਾਲਾਂ ਤੋਂ ਸ਼ੈੱਫ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਉਸ ਨੇ ਟੈਕਸੀ ਲੈ ਕੇ ਬਰਨਬੀ ਜਾਣਾ ਸੀ। ਰੈਸਟੋਰੈਂਟ ਦੇ ਮਾਲਕ ਮੁਤਾਬਕ ਉਹ ਸਕਾਰਾਤਮਕ ਸੋਚ ਰੱਖਣ ਵਾਲਾ ਵਿਅਕਤੀ ਸੀ। ਉਸ ਨੂੰ ਸੰਗੀਤ ਨਾਲ ਪਿਆਰ ਸੀ ਅਤੇ ਵਿਹਲੇ ਸਮੇਂ ਵਿਚ ਗਿਟਾਰ ਵਜਾਉਂਦਾ ਸੀ।
19.05C Vancouver
