15.52C Vancouver 15.52C VancouverNov 2, 2021 8:25 PM - The Canadian Press
ਮੇਪਲ ਰਿਜ 'ਚ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ ਹੈ।
ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ।
ਪੀੜਤ ਆਦਮੀ ਦੀ ਉਮਰ 57 ਸਾਲ ਸੀ।
ਰਿਜ ਮੈਡੋਸ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਸੋਮਵਾਰ ਸ਼ਾਮ ਕਰੀਬ 7 ਵਜੇ ਕਮਿਊਨਿਟੀ ਦੇ ਇੱਕ ਪੇਂਡੂ ਇਲਾਕੇ 'ਚ ਗੋਲੀ ਚੱਲੀ।
ਪੀੜਤ ਨੂੰ ਇੱਕ ਚਿੱਟੇ ਰੰਗ ਦੇ ਪਿਕਅਪ ਟਰੱਕ 'ਚ ਗੰਭੀਰ ਜਖਮੀ ਹਾਲਤ 'ਚ ਪਾਇਆ ਗਿਆ ਸੀ।
ਉਸ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਗਈਆਂ ਪਰ ਉਸ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ।
ਮਾਮਲੇ ਨੂੰ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦੇ ਸਪੁਰਦ ਕਰ ਦਿੱਤਾ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਫਿਲਹਾਲ ਸਪਸ਼ਟ ਨਹੀਂ ਹੈ ਕਿ ਘਟਨਾ ਦੇ ਤਾਰ ਮੈਟਰੋ ਵੈਨਕੂਵਰ ਦੀ ਗੈਂਗ ਹਿੰਸਾ ਨਾਲ ਤਾਂ ਨਹੀਂ ਜੁੜੇ ਹਨ।
