9.6C Vancouver 9.6C VancouverApr 24, 2024 6:08 PM - The Canadian Press
ਵਾਈਟ ਰੌਕ ਵਿਚ ਬੀਤੀ ਰਾਤ ਇਕ ਵਿਅਕਤੀ ਦੀ ਲਾਸ਼ ਮਿਲਣ ਮਿਲਣ ਦੀ ਖਬਰ ਹੈ ਜਿਸ ਦੀ ਜਾਂਚ ਬੀ.ਸੀ. ਦੀ ਏਕੀਕ੍ਰਿਤ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਵਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਵਾਈਟ ਰੌਕ ਆਰ.ਸੀ.ਐੱਮ.ਪੀ. ਦੇ ਕਾਂਸਟੇਬਲ ਚੈਂਟਲ ਸੀਅਰਜ਼ ਅਨੁਸਾਰ ਲਾਸ਼ ਮਰੀਨ ਡਰਾਈਵ ਦੇ 15400-ਬਲਾਕ ਵਿਚ ਮਿਲੀ ਸੀ ਜੋ ਵਾਈਟ ਰੌਕ ਪੀਅਰ ਦੇ ਪੂਰਬ ਵਿੱਚ ਕੁਝ ਬਲਾਕ ਦੀ ਦੂਰੀ ’ਤੇ ਹੀ ਸੀ।
ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਦੌਰਾਨ ਸਾਈਪ੍ਰਸ ਅਤੇ ਡਾਲਫਿਨ ਸਟ੍ਰੀਟ ਵਿਚਕਾਰ ਮਰੀਨ ਡਰਾਈਵ ’ਤੇ ਵਾਟਰ ਫਰੰਟ ਦੇ ਖੇਤਰ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੇ ਜਾਂਚ ਅਜੇ ਮੁੱਢਲੇ ਪੜਾਅ ਵਿਚ ਹੋਣ ਕਾਰਨ ਘਟਨਾ ਬਾਰੇ ਹੋਰ ਕੋਈ ਵੇਰਵਾ ਨਹੀਂ ਦਿੱਤਾ ਜਾ ਸਕਦਾ। ਇਹ ਜਾਂਚ ਐਤਵਾਰ ਰਾਤ ਨੂੰ ਘਾਟ ਨੇੜੇ ਇਕ ਵਿਅਕਤੀ ’ਤੇ ਚਾਕੂ ਨਾਲ ਹਮਲਾ ਕੀਤੇ ਜਾਣ ਤੋਂ ਕੁਝ ਦਿਨ ਬਾਅਦ ਹੋਈ ਹੈ। ਉਸ ਘਟਨਾ ਵਿਚ ਇਕ 28 ਸਾਲਾ ਵਿਅਕਤੀ ਨੂੰ ਗੈਰ-ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਆਰ.ਸੀ.ਐੱਮ.ਪੀ. ਵਲੋਂ ਇਨ੍ਹਾਂ ਦੋਹਾਂ ਘਟਨਾਵਾਂ ਦੇ ਆਪਸ ਵਿਚ ਜੁੜੇ ਹੋਣ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ 3 ਦਿਨਾਂ ਵਿਚ ਸ਼ਹਿਰ ਦੇ ਵਾਟਰ ਫਰੰਟ ’ਤੇ ਹੋਈ ਇਹ ਦੂਸਰੀ ਹਿੰਸਕ ਘਟਨਾ ਹੈ।
