15.28C Vancouver 15.28C VancouverJul 7, 2021 8:51 PM -
ਐਬਟਸਫੋਰਡ 'ਚ ਇੱਕ ਹਾਈ ਸਕੂਲ ਵਿੱਚ ਚਾਕੂ ਨਾਲ ਹਮਲੇ 'ਚ ਕਤਲ ਕੀਤੀ ਗਈ 13 ਸਾਲਾ ਲੜਕੀ ਦੇ ਮਾਮਲੇ 'ਚ ਅੱਜ ਦੋਸ਼ੀ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।
ਜੱਜ ਨੇ ਫੈਸਲਾ ਸੁਣਾਉਂਦੇ ਹੋਏ ਦੱਸਿਆ ਕਿ ਦੋਸ਼ੀ ਕੋਲ 16 ਸਾਲ ਤਕ ਪੈਰੋਲ ਦੀ ਇਜਾਜ਼ਤ ਨਹੀਂ ਹੋਵੇਗੀ।
ਦੋਸ਼ੀ ਦਾ ਨਾਮ ਗੈਬਰੀਅਲ ਕਲੇਨ ਹੈ ਅਤੇ ਉਸ ਦੀ ਸੈਂਟੈਂਸ ਹੀਅਰਿੰਗ ਪਹਿਲਾਂ ਹੀ ਪੂਰੀ ਹੋ ਚੁੱਕੀ ਸੀ।
ਹਮਲਾਵਰ ਨੂੰ ਬੀਤੇ ਸਾਲ ਸੈਕਿੰਡ ਡਿਗਰੀ ਕਤਲ ਦਾ ਦੋਸ਼ੀ ਪਾਇਆ ਗਿਆ ਸੀ।
ਬੀਤੇ ਮਹੀਨੇ ਸੈਂਟੈਂਸ ਹੀਅਰਿੰਗ ਦੌਰਾਨ ਪੀੜਤ ਲੜਕੀ ਦੀ ਮਾਂ ਨੇ ਨਿਊ ਵੈਸਟਮਿਨਸਟਰ ਕੋਰਟ 'ਚ ਦੱਸਿਆ ਸੀ ਕਿ ਕਿਵੇਂ ਸਾਲ 2016 ਦੇ ਇਸ ਹਮਲੇ ਤੋਂ ਬਾਅਦ ਉਸ ਨੂੰ ਬੇਹੱਦ ਦੁੱਖ ਦਾ ਸਾਹਮਣਾ ਕਰਨਾ ਪਿਆ ਹੈ।
ਐਲੀ ਰੇਮਰ ਨੇ ਕੋਰਟ ਨੂੰ ਦੱਸਿਆ ਸੀ ਕਿ ਉਸ ਦੇ ਲਈ ਅੱਜ ਵੀ ਯਕੀਨ ਕਰਨਾ ਮੁਸ਼ਕਿਲ ਹੈ ਕਿ ਉਸ ਦੀ ਧੀ ਨੇ ਸਕੂਲ ਦੇ ਵਿੱਚ ਇਸ ਦਰਦਨਾਕ ਤਰੀਕੇ ਨਾਲ ਦਮ ਤੋੜ ਦਿੱਤਾ।
ਲਤੀਸ਼ਾ ਰੇਮਰ ਅਤੇ ਉਸ ਦੀ ਦੋਸਤ 'ਤੇ ਐਬਟਸਫੋਰਡ ਸੀਨੀਅਰ ਸੈਕੰਡਰੀ 'ਚ ਹਮਲਾ ਕਰ ਦਿੱਤਾ ਗਿਆ ਸੀ।
ਦੂਜੀ ਪੀੜਤ ਲੜਕੀ ਦੀ ਪਛਾਣ ਪਬਲੀਕੇਸ਼ਨ ਬੈਨ ਦੇ ਚਲਦਿਆਂ ਸਾਂਝੀ ਨਹੀਂ ਕੀਤੀ ਜਾ ਸਕਦੀ।
ਦੋਸ਼ੀ ਨੂੰ ਜੇਲ੍ਹ 'ਚ ਸਜ਼ਾ ਸੁਣਾਏ ਜਾਣ ਤੋਂ ਪਹਿਲਾਂ ਬਿਤਾਏ ਗਏ 7 ਸਾਲ ਦਾ ਕਰੈਡਿਟ ਮਿਲੇਗਾ।
