25.11C Vancouver 25.11C VancouverJan 19, 2021 9:23 PM -
ਵੈਨਕੂਵਰ ਪੁਲਿਸ ਹੈਡਕੁਆਟਰਸ ਦੇ ਕੋਲ ਇੱਕ ਜਿੰਮ 'ਚ ਇੱਕ ਆਦਮੀ ਅਤੇ ਇੱਕ ਔਰਤ ਨੇ ਲੋਕਾਂ 'ਤੇ ਖੰਘਣ ਦੀ ਕੋਸ਼ਿਸ਼ ਕੀਤੀ।
ਅਜਿਹਾ ਕਰਨ ਲਈ ਦੋਨਾਂ ਨੂੰ $230 ਦੇ ਜੁਰਮਾਨੇ ਠੋਕੇ ਗਏ ਹਨ।
ਮਾਮਲਾ ਸ਼ਨੀਵਾਰ ਰਾਤ ਦਾ ਹੈ। ਪੁਲਿਸ ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਜਿੰਮ ਦੇ ਮਾਲਿਕ ਨੇ ਕੋਲੋਂ ਲੰਘਦੇ 2 ਕਾਂਸਟੇਬਲਾਂ ਨੂੰ ਰੋਕਿਆ।
ਉਸ ਨੇ ਦੱਸਿਆ ਕਿ ਇਸ ਆਦਮੀ ਅਤੇ ਔਰਤ ਨੇ ਮਾਸਕ ਵੀ ਨਹੀਂ ਪਹਿਨੇ ਹੋਏ ਸਨ ਅਤੇ ਇਹ ਜਿੰਮ ਦੇ ਮੈਂਬਰ ਵੀ ਨਹੀਂ ਸਨ।
ਉਸ ਨੇ ਦੱਸਿਆ ਕਿ ਦੋਨਾਂ ਨੇ ਲੋਕਾਂ ਵੱਲ ਖੰਘਣ ਦੀ ਪ੍ਰੀਕਿਰਿਆ ਜਾਰੀ ਰੱਖੀ ਸੀ।
60 ਸਾਲਾ ਵਿਅਕਤੀ ਅਤੇ ਉਸ ਦੀ 25 ਸਾਲਾ ਗਰਲ-ਫਰੈਂਡ ਨੇ ਅਫ਼ਸਰਾਂ ਨੂੰ ਕਿਹਾ ਕਿ ਉਹ ਸਿਰਫ ਖੰਘਣ ਦਾ ਨਾਟਕ ਕਰ ਰਹੇ ਸਨ।
ਉਨ੍ਹਾਂ ਕਿਹਾ ਕਿ ਜਿੰਮ ਮੈਂਬਰ ਉਨ੍ਹਾਂ ਨੂੰ ਘੂਰ ਰਹੇ ਸਨ ਅਤੇ ਇਸੇ ਕਾਰਨ ਉਨ੍ਹਾਂ ਅਜਿਹਾ ਕੀਤਾ ਸੀ।
ਮਾਸਕ ਨਾ ਪਹਿਨਣ ਕਾਰਨ ਅਤੇ ਨਿਰਦੇਸ਼ਾਂ ਦੀ ਉਲੰਘਣਾ ਦੇ ਚਲਦਿਆਂ ਦੋਨਾਂ ਨੂੰ $230 ਦੇ ਟਿਕਟ ਜਾਰੀ ਕੀਤੇ ਗਏ।
