16.84C Vancouver 16.84C VancouverJan 13, 2021 6:25 PM -
ਬੀਤੇ ਸਾਲ ਦਿਸੰਬਰ ਦੇ ਮਹੀਨੇ 'ਚ ਚਿਲਿਵੈਕ 'ਚ ਹੋਈ ਇੱਕ ਵਿਅਕਤੀ ਦੀ ਮੌਤ ਦੇ ਮਾਮਲੇ 'ਚ ਹੁਣ 'ਮੈਨਸਲੌਟਰ' ਦੇ ਦੋਸ਼ ਲਗਾਏ ਗਏ ਹਨ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ. ਦਾ ਕਹਿਣਾ ਹੈ ਕਿ 27 ਦਿਸੰਬਰ ਨੂੰ ਇੱਕ ਵਿਅਕਤੀ ਨਾਲ ਹੋਏ ਝਗੜੇ ਦੌਰਾਨ 45 ਸਾਲਾ ਕਾਰਲਟਨ ਲੀਥ ਜ਼ਖਮੀ ਹੋ ਗਿਆ ਸੀ।
ਇਸ ਤੋਂ ਕੁਝ ਦਿਨ ਬਾਅਦ ਉਸ ਨੇ ਦਮ ਤੋੜ ਦਿੱਤਾ ਸੀ।
ਮਾਮਲੇ 'ਚ 42 ਸਾਲਾ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਵਿਲੀਅਮ ਐਸਕੌਟ ਨਾਮ ਦਾ ਇਹ ਵਿਅਕਤੀ ਪੁਲਿਸ ਹਿਰਾਸਤ ਵਿੱਚ ਹੀ ਹੈ ਅਤੇ ਉਸ 'ਤੇ ਮੈਨਸਲੌਟਰ ਅਤੇ ਐਗਰੇਵੇਟਿਡ ਅਸੌਲਟ ਯਾਨੀ ਕਿ ਹਮਲੇ ਦੇ ਦੋਸ਼ ਲੱਗੇ ਹਨ।
ਜਾਂਚ ਅਧਿਕਾਰੀਆਂ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਮਾਮਲੇ ਦੀ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
