18.23C Vancouver 18.23C VancouverFeb 25, 2020 10:37 PM -
ਕੈਨੇਡਾ ਦੇ ਟਰਾਂਸਪੋਰਟ ਮੰਤਰੀ ਮਾਰਕ ਗਾਰਨੇਊ ਦਾ ਕਹਿਣਾ ਹੈ ਕਿ ਸੀ.ਐਨ. ਅਤੇ ਸੀ.ਪੀ. ਰੇਲ ਵੱਲੋਂ ਸਹਿਯੋਗ ਕੀਤਾ ਜਾ ਰਿਹਾ ਹੈ, ਅਤੇ ਰੇਲ ਅੜਿੱਕਿਆਂ ਦੇ ਬਾਵਜੂਦ ਟੋਰੌਂਟੋ ਅਤੇ ਮੌਂਟਰੀਅਲ ਵਿਚਾਲੇ ਮਾਲ ਗੱਡੀਆਂ ਚਲਾਈਆਂ ਜਾ ਰਹੀਆਂ ਹਨ।
ਹਾਲਾਂਕਿ ਇੱਕ ਅਹਿਮ ਰੂਟ 'ਤੇ ਬਲੌਕੇਡ ਹਟਾਏ ਜਾਣ ਦੇ ਬਾਵਜੂਦ, ਰੇਲ ਸੇਵਾਵਾਂ ਜਾਰੀ ਨਹੀਂ ਕੀਤੀਆਂ ਗਈਆਂ ਹਨ।
ਗਾਰਨੇਊ ਦਾ ਕਹਿਣਾ ਹੈ ਕਿ ਰੇਲਵੇ ਦੇ ਸਹਿਯੋਗ ਆਸਰੇ, ਕੁਝ ਅਹਿਮ ਪਦਾਰਥ ਕਨੇਡੀਅਨਸ ਤਕ ਪਹੁੰਚ ਰਹੇ ਹਨ।
ਹਾਲਾਂਕਿ ਇਸ ਸਭ ਦਰਮਿਆਨ ਅੱਜ ਕੰਜ਼ਰਵੇਟਿਵ ਲੀਡਰ, ਐਂਡਰਿਊ ਸ਼ੀਅਰ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਕਮਜੋਰ ਲੀਡਰਸ਼ਿਪ ਕਾਰਨ, ਇਹ ਬਲੌਕੇਡ ਸਮੱਸਿਆ ਇੰਨੀ ਵਧ ਗਈ ਹੈ।
ਪਬਲਿਕ ਸੇਫਟੀ ਮੰਤਰੀ ਬਿਲ ਬਲੇਅਰ ਨੇ ਜਵਾਬ ਦਿੰਦਿਆਂ ਕਿਹਾ ਕਿ ਪੁਲਿਸ ਆਪਣਾ ਕੰਮ ਕਰ ਰਹੀ ਹੈ।
ਬਲੇਅਰ ਨੇ ਇਸਤੋਂ ਪਹਿਲਾਂ ਕਿਹਾ ਸੀ ਕਿ ਵੈਟ'ਸੁਵੈਟ'ਆਂ ਹੈਰੀਡਿਟਰੀ ਮੁਖੀਆਂ ਨਾਲ ਗੱਲਬਾਤ ਆਸਰੇ, ਹੱਲ ਕੱਢਣ ਪ੍ਰਤੀ ਉਨ੍ਹਾਂ ਦਾ ਵਿਸ਼ਵਾਸ ਬਣਿਆ ਹੋਇਆ ਹੈ।
