15.25C Vancouver 15.25C VancouverAug 24, 2021 7:39 PM -
ਬੀ.ਸੀ. 'ਚ ਮਾਸਕ ਪਹਿਨਣਾ ਇੱਕ ਵਾਰ ਫਿਰ ਤੋਂ ਲਾਜ਼ਮੀ ਬਣਾਇਆ ਜਾ ਰਿਹਾ ਹੈ।
25 ਅਗਸਤ ਦਿਨ ਬੁੱਧਵਾਰ ਤੋਂ ਯਾਨੀ ਕਿ ਕੱਲ ਤੋਂ ਸਾਰੀਆਂ ਇੰਡੋਰ ਥਾਵਾਂ 'ਤੇ ਮਾਸਕ ਪਹਿਨਣਾ ਲਾਜ਼ਮੀ ਹੋਵੇਗਾ।
ਇਹ ਨਿਯਮ ਸੂਬੇ ਭਰ 'ਚ ਲਾਗੂ ਹੋਣਗੇ।
ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇਸ ਸੰਬੰਧੀ ਐਲਾਨ ਕੀਤਾ।
ਸੂਬੇ 'ਚ ਕੋਵਿਡ-19 ਦੇ ਇੱਕ ਵਾਰ ਫਿਰ ਤੋਂ ਵਧਦੇ ਫੈਲਾਅ ਵਿਚਾਲੇ ਮਾਸਕ ਪਹਿਨਣਾ ਲਾਜ਼ਮੀ ਬਣਾਇਆ ਜਾ ਰਿਹਾ ਹੈ।
ਸੂਬੇ ਦੇ 12 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ 'ਤੇ ਇਹ ਨਿਯਮ ਲਾਗੂ ਹੋਣਗੇ।
ਇਸ 'ਚ ਮੌਲ, ਸ਼ਾਪਿੰਗ ਸੈਂਟਰ, ਕਾਫੀ ਸ਼ਾਪਸ, ਰਿਟੇਲ ਅਤੇ ਗਰੋਸਰੀ ਸਟੋਰ, ਲਿਕਰ ਸਟੋਰ, ਡਰੱਗ ਸਟੋਰ, ਹਵਾਈ ਅੱਡੇ, ਸਿਟੀ ਹਾਲ, ਲਾਈਬ੍ਰੇਰੀ, ਰਿਕਰੀਏਸ਼ਨ ਸੈਂਟਰ, ਰੈਸਟੂਰੈਂਟ, ਪੱਬ, ਬਾਰ, ਪਬਲਿਕ ਟਰਾਂਸਪੋਰਟ, ਟੈਕਸੀ ਜਾਂ ਹੋਰ ਵਾਹਨ, ਅਤੇ ਫਿਟਨੈਸ ਸੈਂਟਰ ਅਤੇ ਹੋਰ ਥਾਵਾਂ ਸ਼ਾਮਿਲ ਹਨ।
ਇਸ ਤੋਂ ਇਲਾਵਾ ਸਕੂਲਾਂ ਵਿੱਚ ਕੇ-12 ਸਟਾਫ਼ ਅਤੇ ਵਿਜ਼ਿਟਰਸ ਲਈ ਵੀ ਮਾਸਕ ਪਹਿਨਣੇ ਜਰੂਰੀ ਹੋਣਗੇ।
ਬੀ.ਸੀ. 'ਚ ਵੈਕਸੀਨ ਕਾਰਡਸ ਦੇ ਪੂਰੀ ਤਰ੍ਹਾਂ ਲਾਗੂ ਹੋਣ ਤੋਂ ਬਾਅਦ ਇਨ੍ਹਾਂ ਟੈਂਪਰੇਰੀ ਆਰਡਰਸ 'ਤੇ ਫਿਰ ਤੋਂ ਵਿਚਾਰ ਕੀਤਾ ਜਾਵੇਗਾ।
