Melanie Joly Gives Cleveland-Cliffs 15 Days to Reinstate 500 Laid-Off Stelco Workers

Oct 22, 2026 2:46 PM - Connect Newsroom - Ramandeep Kaur with files from The Canadian Press

ਸਟੈਲਕੋ ਦੇ 500 ਮੁਲਾਜ਼ਮਾਂ ਦੀ ਛਾਂਟੀ ’ਤੇ ਜੋਲੀ ਸਖ਼ਤ, ਕੰਪਨੀ ਨੂੰ 15 ਦਿਨਾਂ ਦਾ ਦਿੱਤਾ ਅਲਟੀਮੇਟਮ

Share On

melanie-joly-gives-cleveland-cliffs-15-days-to-reinstate-500-laid-off-stelco-workers

Canada gives Cleveland-Cliffs 15 days to reinstate 500 Stelco workers or face legal action.(Photo: The Canadian Press)

ਕੈਨੇਡਾ ਦੀ ਇੰਡਸਟਰੀ ਮਿਨਿਸਟਰ ਮੇਲਾਨੀ ਜੋਲੀ ਨੇ ਹੈਮਿਲਟਨ ਸਥਿਤ ਸਟੀਲ ਮੇਕਰ ਸਟੈਲਕੋ ਦੀ ਅਮਰੀਕੀ ਮਾਲਕ ਕੰਪਨੀ ਕਲੀਵਲੈਂਡ-ਕਲਿਫਸ ਨੂੰ ਵਾਰਨਿੰਗ ਜਾਰੀ ਕਰ ਦਿੱਤੀ ਹੈ। ਇਸ ਰਾਹੀਂ ਜੋਲੀ ਨੇ ਕੰਪਨੀ ਨੂੰ 15 ਦਿਨਾਂ ਦਾ ਅਲਟੀਮੇਟਮ ਦਿੰਦਿਆਂ ਹੈਮਿਲਟਨ ਪਲਾਂਟ ਵਿਚੋਂ ਕੱਢੇ ਗਏ ਲਗਭਗ 500 ਮੁਲਾਜ਼ਮਾਂ ਨੂੰ ਤੁਰੰਤ ਕੰਮ 'ਤੇ ਵਾਪਸ ਬੁਲਾਉਣ ਲਈ ਕਿਹਾ ਹੈ, ਨਹੀਂ ਤਾਂ ਕੰਪਨੀ ਵਿਰੁੱਧ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰਨ ਦੀ ਚਿਤਾਵਨੀ ਦਿੱਤੀ ਗਈ ਹੈ।

ਸਰਕਾਰ ਦਾ ਕਹਿਣਾ ਹੈ ਕਿ ਸਟੈਲਕੋ ਦੀ ਅਮਰੀਕੀ parent ਕੰਪਨੀ ਨੇ 2024 ਵਿਚ ਸਟੈਲਕੋ ਨੂੰ ਖਰੀਦਣ ਵੇਲੇ ਔਟਵਾ ਨਾਲ ਸਮਝੌਤੇ ਵਿਚ ਸਾਲ 2029 ਤੱਕ ਕੈਨੇਡਾ ਵਿਚ ਕੋਈ ਲੇਅ ਔਫ ਨਾ ਕਰਨ ਦੀ ਗਾਰੰਟੀ ਦਿੱਤੀ ਸੀ।

ਹਾਲਾਂਕਿ, ਕੰਪਨੀ ਡੋਨਲਡ ਟਰੰਪ ਵੱਲੋਂ ਕੈਨੇਡੀਅਨ ਸਟੀਲ 'ਤੇ ਲਾਏ ਟੈਰਿਫਸ ਦਾ ਹਵਾਲਾ ਦੇ ਕੇ ਇਨ੍ਹਾਂ ਛਾਂਟੀਆਂ ਨੂੰ ਜਾਇਜ਼ ਠਹਿਰਾ ਰਹੀ ਹੈ, ਜਿਸ 'ਤੇ ਮੰਤਰੀ ਜੋਲੀ ਨੇ ਮਾਮਲਾ ਅਦਾਲਤ ਵਿਚ ਲਿਜਾਣ ਦੀ ਗੱਲ ਆਖੀ ਹੈ ਅਤੇ ਕਿਹਾ ਹੈ ਕਿ ਇਸ ਕਾਨੂੰਨੀ ਕਾਰਾਵਾਈ ਤਹਿਤ ਕਲੀਵਲੈਂਡ-ਕਲਿਫਸ ਨੂੰ ਕੈਨੇਡੀਅਨ ਕੰਪਨੀ ਵਿਚੋਂ ਆਪਣਾ ਹਿੱਸਾ ਖ਼ਤਮ ਕਰਨ ਲਈ ਮਜਬੂਰ ਹੋਣਾ ਪੈ ਸਕਦਾ ਹੈ।

ਕੈਨੇਡਾ ਦੀ ਸੁਪਰਮਾਰਕੀਟ ਚੇਨ ਲੌਬਲੌ ਨੇ ਮਾਰਚ ਵਿਚ ਹੋਏ ਸਾਈਬਰ ਹਮਲੇ ਕਾਰਨ ਲਗਭਗ ਦੋ ਮਿਲੀਅਨ ਕੈਨੇਡੀਅਨ ਦਾ ਡੇਟਾ ਪ੍ਰਭਾਵਿਤ ਹੋਣ ਦਾ ਖ਼ਦਸ਼ਾ ਜਤਾਇਆ ਹੈ। ਕੰਪਨੀ ਨੇ ਪ੍ਰਭਾਵਿਤ ਗਾਹਕਾਂ ਨੂੰ ਸਿੱਧੇ ਤੌਰ 'ਤੇ ਨੋਟੀਫਿਕੇਸ਼ਨ ਭੇਜਣੇ ਸ਼ੁਰੂ ਕਰ ਦਿੱਤੇ ਹਨ, ਜਿਸ ਵਿਚ ਦੱਸਿਆ ਗਿਆ ਹੈ ਕਿ ਲੀਕ ਹੋਏ ਡੇਟਾ ਵਿਚ ਨਾਂ,ਈਮੇਲ,ਘਰ ਦਾ ਪਤਾ,ਜਨਮ ਤਾਰੀਖ਼,ਵਫ਼ਾਦਾਰੀ ਕਾਰਡ ਨੰਬਰ, ਖ਼ਾਸ ਖਰੀਦਦਾਰੀ ਆਰਡਰ ਦੇ ਵੇਰਵੇ ਅਤੇ ਪੇਮੈਂਟ ਕਾਰਡ ਦੀ ਅਧੂਰੀ ਜਾਣਕਾਰੀ ਸ਼ਾਮਲ ਹੋ ਸਕਦੀ ਹੈ।