ਮੈਟਰੋ ਵੈਨਕੂਵਰ ਵਿਚ ਗੈਸ ਪੰਪਾਂ 'ਤੇ ਭਲਕੇ ਡਿੱਗ ਸਕਦੀਆਂ ਹਨ ਕੀਮਤਾਂ

ਮੈਟਰੋ ਵੈਨਕੂਵਰ ਵਿਚ ਗੈਸ ਪੰਪਾਂ 'ਤੇ ਕੀਮਤਾਂ ਮੁੜ $1.80 ਸੈਂਟ ਤੱਕ ਪਹੁੰਚ ਗਈਆਂ ਹਨ। ਇਹ ਉਦੋਂ ਹੈ ਜਦੋਂ ਸੂਬਾ ਸਰਕਾਰ ਵਲੋਂ ਮੰਗਲਵਾਰ ਪੈਟਰੋਲ 'ਤੇ 17-ਸੈਂਟ ਕਾਰਬਨ ਟੈਕਸ ਹਟਾਇਆ ਜਾ ਚੁੱਕਾ ਹੈ। ਕੀਮਤਾਂ ਵਿਚ ਉਛਾਲ ਦਾ ਕਾਰਨ ਕੈਲੀਫੋਰਨੀਆ ਵਿਚ ਇੱਕ ਰਿਫਾਇਨਰੀ ਵਿਚ ਅੱਗ ਲੱਗਣ ਨੂੰ ਦੱਸਿਆ ਜਾ ਰਿਹਾ ਹੈ, ਜਿਸ ਨਾਲ ਵੈਸਟ ਕੋਸਟ ਸਪਲਾਈ ਪ੍ਰਭਾਵਿਤ ਹੋਈ ਹੈ।

ਹਾਲਾਂਕਿ, ਗੈਸ ਬਡੀ ਦੇ ਵਿਸ਼ਲੇਸ਼ਕ ਪੈਟ੍ਰਿਕ ਡੀ ਹਾਨ ਦਾ ਅਨੁਮਾਨ ਹੈ ਕਿ ਅਗਲੇ ਹਫ਼ਤੇ ਦੇ ਸ਼ੁਰੂ ਵਿਚ ਜਾਂ ਸੰਭਵ ਤੌਰ 'ਤੇ ਇਸ ਵੀਕੈਂਡ 'ਤੇ ਗੈਸ ਕੀਮਤਾਂ ਵਿਚ ਗਿਰਾਵਟ ਦੇਖਣ ਨੂੰ ਮਿਲ ਸਕਦੀ ਹੈ ਕਿਉਂਕਿ ਟਰੰਪ ਦੀ ਟਰੇਡ ਵਾਰ ਕਾਰਨ ਮੰਦੀ ਦਾ ਡਰ ਵਧਿਆ ਹੈ ਜਿਸ ਨਾਲ ਕੱਚੇ ਤੇਲ ਦੀਆਂ ਕੀਮਤਾਂ ਡਿੱਗੀਆਂ ਹਨ। ਉਥੇ ਹੀ, OPEC+ ਨੇ ਉਤਪਾਦਨ ਵਧਾਇਆ ਹੈ। ਸ਼ਨੀਵਾਰ ਨੂੰ ਪੰਪਾਂ 'ਤੇ ਕੀਮਤ ਵਿਚ 7 ਤੋਂ 10 ਸੈਂਟ ਦੀ ਗਿਰਾਵਟ ਦਿਸਣ ਦੀ ਉਮੀਦ ਹੈ।