11.88C Vancouver 11.88C VancouverJun 9, 2025 4:44 PM - The Canadian Press
ਮੈਕਸੀਕੋ ਦੀ ਰਾਸ਼ਟਰਪਤੀ ਕਲਾਉਡੀਆ ਸ਼ੇਨਬੌਮ ਕੈਨੇਡਾ ਵਿਚ ਹੋਣ ਵਾਲੀ ਜੀ 7 ਬੈਠਕ ਵਿਚ ਅਗਲੇ ਹਫ਼ਤੇ ਸ਼ਾਮਲ ਹੋਵੇਗੀ। ਸ਼ੇਨਬੌਮ ਨੇ ਅੱਜ ਇਸ ਦੀ ਪੁਸ਼ਟੀ ਕੀਤੀ। ਇਸ ਬੈਠਕ ਦੇ ਇੱਕ ਪਾਸੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨਾਲ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਮੈਕਸੀਕੋ ਦੀ ਰਾਸ਼ਟਰਪਤੀ ਤਿੰਨ ਪੱਖੀ ਮੁਲਾਕਾਤ ਕਰ ਸਕਦੇ ਹਨ,ਜਿਸ ਵਿਚ ਤਿੰਨੋ ਮੁਲਕਾਂ ਨੂੰ ਆਪਸੀ ਟਰੇਡ ਐਗਰੀਮੈਂਟ ਦੇ ਭਵਿੱਖ ਬਾਰੇ ਗੱਲਬਾਤ ਕਰਨ ਦਾ ਮੌਕਾ ਮਿਲੇਗਾ।
ਸ਼ੇਨਬੌਮ ਪੀ. ਐੱਮ. ਕਾਰਨੀ ਵਲੋਂ ਸੱਦਾ ਦਿੱਤੇ ਗਏ ਉਹਨਾਂ ਵਿਸ਼ਵ ਨੇਤਾਵਾਂ ਵਿਚੋਂ ਇੱਕ ਸੀ, ਜੋ ਜੀ-7 ਦਾ ਹਿੱਸਾ ਨਹੀਂ ਹਨ। ਮੈਕਸੀਕੋ ਦੀ ਰਾਸ਼ਟਰਪਤੀ ਨੇ ਕਿਹਾ ਕਿ ਉਹਨਾਂ ਦੀ ਟੀਮ ਟਰੰਪ ਸਮੇਤ ਜੀ-7 ਦੇ ਹੋਰ ਨੇਤਾਵਾਂ ਨਾਲ ਦੁਵੱਲੀ ਬੈਠਕ ਆਯੋਜਿਤ ਕਰਨ ਲਈ ਕੰਮ ਕਰ ਰਹੀ ਹੈ।
ਗੌਰਤਲਬ ਹੈ ਕਿ ਕੈਨੇਡਾ ਅਤੇ ਮੈਕਸੀਕੋ ਦੋਵੇਂ ਹੀ ਟਰੰਪ ਦੇ ਟੈਰਿਫ ਦੇ ਨਿਸ਼ਾਨੇ 'ਤੇ ਰਹੇ ਹਨ, ਇਸ ਲਈ ਇੱਕ ਮੰਚ 'ਤੇ ਤਿੰਨੋ ਨੇਤਾਵਾਂ ਦਾ ਇਕੱਠੇ ਹੋਣਾ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ।
