13.27C Vancouver 13.27C VancouverJun 2, 2021 1:16 AM -
ਇੱਕ ਇੰਡੀਜਨਸ ਲੇਖਿਕਾ ਨੂੰ ਵੱਡਾ ਸਨਮਾਨ ਹਾਸਿਲ ਹੋਇਆ ਹੈ।
ਰੈਜ਼ੀਡੈਂਸ਼ੀਅਲ ਸਕੂਲਾਂ ਦੇ 5 ਸਰਵਾਈਵਰਸ ਦੀ ਕਹਾਣੀ ਦੱਸਣ ਵਾਲੀ ਮਿਸ਼ੈਲ ਗੁਡ ਨੂੰ 25,000 ਡਾਲਰ ਵਾਲਾ ਗਵਰਨਰ ਜਨਰਲ ਲਿਟਰੇਰੀ ਐਵਾਰਡ ਫਾਰ ਫਿਕਸ਼ਨ ਹਾਸਿਲ ਹੋਇਆ ਹੈ।
ਉਨ੍ਹਾਂ ਦੇ "ਫਾਈਵ ਲਿਟਲ ਇੰਡੀਅਨਸ" ਸੰਬੰਧੀ ਕੀਤੇ ਕੰਮ ਲਈ ਉਨ੍ਹਾਂ ਨੂੰ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ।
ਵਕੀਲ ਤੋਂ ਲੇਖਿਕਾ ਬਣੀ ਮਿਸ਼ੈਲ ਗੁਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਮਾਂ ਨੂੰ ਰੈਜ਼ੀਡੈਂਸ਼ੀਅਲ ਸਕੂਲ ਅਟੈਂਡ ਕਰਨਾ ਪਿਆ ਸੀ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਇਸ ਮੌਕੇ ਜਸ਼ਨ ਦੇ ਮੂਡ 'ਚ ਨਹੀਂ ਹਨ ਕਿਉਂਕਿ ਉਨ੍ਹਾਂ ਦਾ ਦਿਲ ਦਫਨ ਕੀਤੇ ਮਿਲੇ ਬੱਚਿਆਂ ਦੇ ਲਈ ਰੋ ਰਿਹਾ ਹੈ।
ਮਿਸ਼ੈਲ ਗੁਡ ਕੈਮਲੂਪਸ ਦੇ ਕੋਲ ਸਾਹਵਾਨਾ ਦੇ ਇਲਾਕੇ 'ਚ ਰਹਿੰਦੀ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਬੀਤੇ ਹਫ਼ਤੇ ਉਨ੍ਹਾਂ ਨੂੰ ਐਮਜ਼ੌਨ ਕੈਨੇਡਾ ਫਰਸਟ ਨੌਵਲ ਐਵਾਰਡ ਵੀ ਹਾਸਿਲ ਹੋਇਆ ਸੀ ਪਰ ਉਨ੍ਹਾਂ ਕਿਹਾ ਕਿ ਉਹ ਮੌਜੂਦਾ ਹਾਲਾਤ 'ਚ ਪਾਰਟੀ ਬਾਰੇ ਨਹੀਂ ਸੋਚ ਸਕਦੀ।
ਉਨ੍ਹਾਂ ਕਿਹਾ ਕਿ ਇਹ ਬੇਹੱਦ ਸਵਾਰਥ ਭਰਿਆ ਹੋਵੇਗਾ ਜੇਕਰ ਹਾਲ ਦੀ ਘੜੀ 215 ਦਫਨ ਕੀਤੇ ਬੱਚਿਆਂ ਦੀ ਜਗ੍ਹਾ ਐਵਾਰਡਸ ਬਾਰੇ ਸੋਚਿਆ ਜਾਵੇ।
