13.97C Vancouver 13.97C VancouverDec 7, 2020 4:37 PM -
ਸੋਮਵਾਰ ਨੂੰ ਕੈਨੇਡਾ ਦੀ ਮਿਲਟਰੀ ਦੇ ਮੈਂਬਰ, ਸਿਹਤ ਕਰਮਚਾਰੀ ਅਤੇ ਸਰਕਾਰੀ ਅਧਿਕਾਰੀ ਦੇਸ਼ ਭਰ ਵਿਚ ਕੋਵਿਡ-19 ਵੈਕਸੀਨ ਡਿਸਟਰੀਬਿਊਸ਼ਨ ਲਈ ਇੱਕ ਅਭਿਆਸ ਕਰਨ ਜਾ ਰਹੇ ਹਨ।
‘ਫਾਈਜ਼ਰ ਬਾਇਓਐਂਟੇਕ’ ਵੱਲੋਂ ਤਿਆਰ ਕੀਤੇ ਵੈਕਸੀਨ ਨੂੰ ਇਸ ਹਫ਼ਤੇ ਕੈਨੇਡਾ ਵਿੱਚ ਮਨਜ਼ੂਰੀ ਮਿਲ ਜਾਣ ਦੀ ਉਮੀਦ ਹੈ।
ਵੈਕਸੀਨ ਨੂੰ ਵੱਖ ਵੱਖ ਸੂਬਿਆਂ ਤੱਕ ਪਹੁੰਚਾਉਣ ਲਈ ਮਿਲਟਰੀ ਦੀ ਅਗਵਾਈ ਕਰ ਰਹੇ ਮੇਜਰ ਜਨਰਲ ਡੈਨੀ ਫਾਊਂਟੇਨ ਮੁਤਾਬਕ ਅੱਜ ਦੇ ਅਭਿਆਸ ਦਾ ਉਦੇਸ਼ ਵੈਕਸੀਨ ਦੀ ਵੰਡ ਵਿੱਚ ਸ਼ਾਮਲ ਸਾਰੇ ਵਿਅਕਤੀਆਂ ਨੂੰ ਵੈਕਸੀਨ ਦੀ ਸੰਭਾਲ ਨਾਲ ਚੰਗੀ ਤਰ੍ਹਾਂ ਜਾਣੂ ਕਰਵਾਉਣਾ ਹੈ।
ਇਸ ਵੈਕਸੀਨ ਦੀ ਸੰਭਾਲ ਲਈ ਇਸ ਨੂੰ ਹਰ ਸਮੇਂ ਮਾਈਨਸ 70 ਡਿਗਰੀ ਤਾਪਮਾਨ ਵਿਚ ਰੱਖਣ ਦੀ ਲੋੜ ਹੈ।
ਨੈਸ਼ਨਲ ਆਪਰੇਸ਼ਨਜ਼ ਸੈਂਟਰ ਮੁਤਾਬਕ ਦੇਸ਼ ਭਰ ਵਿੱਚ ਵੈਕਸੀਨ ਦੋ ਪੜਾਵਾਂ ਵਿਚ ਮੁਹੱਈਆ ਕਰਵਾਇਆ ਜਾਵੇਗਾ ਜਿਸ ਵਿੱਚ ਸਰਦੀਆਂ ਦੇ ਵਿੱਚ ਪਹਿਲਾਂ 3 ਮਿਲੀਅਨ ਵਿਅਕਤੀਆਂ ਲਈ ਦੋ ਡੋਜ਼ਾਂ ਯਾਨੀ ਕੁੱਲ 6 ਮਿਲੀਅਨ ਡੋਜ਼ਾਂ ਉਪਲੱਬਧ ਕਰਵਾਈਆਂ ਜਾਣਗੀਆਂ।
ਯੂਰੋਪ, ਅਮਰੀਕਾ ਅਤੇ ਹੋਰ ਥਾਵਾਂ ਤੋਂ ਵੈਕਸੀਨ ਘੱਟ ਸਮੇਂ ਦੇ ਅੰਦਰ ਲੈ ਆਕੇ ਦੇਸ਼ ਦੇ ਕੋਨੇ-ਕੋਨੇ ਵਿੱਚ ਵੰਡਣ ਲਈ ਮਿਲਟਰੀ ਦੀ ਮਦਦ ਲਿੱਤੀ ਜਾ ਰਹੀ ਹੈ।
ਪਰ ਵੈਕਸੀਨ ਦੇ ਪਹੁੰਚਣ ਦੇ ਖ਼ਾਸ ਸਮੇਂ ਦੇ ਵੇਰਵੇ ਬਾਕੀ ਲੋਕਾਂ ਵਾਂਗ ਮਿਲਟਰੀ ਦੇ ਨਾਲ ਵੀ ਫਿਲਹਾਲ ਸਾਂਝੇ ਨਹੀਂ ਕੀਤਾ ਗਏ ਹਨ।
