18.25C Vancouver 18.25C VancouverDec 7, 2021 9:32 PM - Connect News
ਡੈਲਟਾ ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਲਾਪਤਾ ਹੋਏ 21 ਸਾਲਾ ਅਨਮੋਲ ਜਗਤ ਦੀ ਭਾਲ ਦਾ ਦੁਖਦਾਈ ਅੰਤ ਹੋਇਆ ਹੈ।
ਪੁਲਿਸ ਨੇ ਦੱਸਿਆ ਹੈ ਕਿ ਅਨਮੋਲ ਜਗਤ ਦਾ ਮ੍ਰਿਤ ਸ਼ਰੀਰ ਮਿਲਿਆ ਹੈ।
ਪੁਲਿਸ ਨੇ ਮੌਤ ਦੇ ਮਾਮਲੇ ਨੂੰ ਸ਼ੱਕੀ ਨਹੀਂ ਦੱਸਿਆ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਕੋਰੋਨਰ ਨੇ ਪੁਸ਼ਟੀ ਕੀਤੀ ਹੈ ਕਿ 1 ਦਿਸੰਬਰ ਨੂੰ ਯਾਨੀ ਕਿ ਬੀਤੇ ਬੁੱਧਵਾਰ ਨੌਰਥ ਡੈਲਟਾ ਦੇ ਇਲਾਕੇ 'ਚ ਮਿਲੇ ਮਨੁੱਖੀ ਅਵਸ਼ੇਸ਼ ਅਨਮੋਲ ਜਗਤ ਦੇ ਸਨ।
ਲਾਪਤਾ ਨੌਜਵਾਨ ਨੂੰ ਆਖਰੀ ਵਾਰ 24 ਅਕਤੂਬਰ ਨੂੰ ਤੜਕੇ ਕਰੀਬ 1 ਵਜੇ 114 ਸਟ੍ਰੀਟ ਅਤੇ 80 ਐਵੀਨਿਊ ਦੇ ਇਲਾਕੇ 'ਚ ਵੇਖਿਆ ਗਿਆ ਸੀ।
ਇਸ ਤੋਂ ਬਾਅਦ 10 ਨਵੰਬਰ ਨੂੰ ਪੁਲਿਸ ਨੇ ਦੱਸਿਆ ਸੀ ਕਿ ਯੁਵਕ ਨਾਲ ਸੰਬੰਧਤ ਇੱਕ ਬੈਕਪੈਕ ਇੱਕ ਜੰਗਲੀ ਇਲਾਕੇ 'ਚ ਮਿਲਿਆ ਸੀ ਅਤੇ ਇਸ ਤੋਂ ਬਾਅਦ ਉਸ ਦੀ ਭਾਲ ਲਈ ਕੋਸ਼ਿਸ਼ਾਂ ਕੀਤੀਆਂ ਗਈਆਂ ਸਨ।
ਪਰ ਅੱਜ ਪੁਲਿਸ ਨੇ ਦੱਸਿਆ ਕਿ ਭਾਲ ਦਾ ਅੰਤ ਦੁਖਦਾਈ ਰਿਹਾ ਹੈ।
