ਐਡਮਿੰਟਨ ਵਿਚ ਦੋ ਟੀਨਏਜਰਜ਼ ਨਾਲ ਜਿਨਸੀ ਸੋਸ਼ਣ ਕਰਨ ਵਾਲਾ ਸ਼ੱਕੀ ਚਾਰਜ

ਈਸਟ ਐਡਮਿੰਟਨ ਵਿਚ ਦੋ ਟੀਨਏਜਰਜ਼ ਨੂੰ ਲਾਪਤਾ ਕਰਨ ਅਤੇ ਉਨ੍ਹਾਂ ਦਾ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ 40 ਸਾਲਾ ਵਿਅਕਤੀ ਨੂੰ ਚਾਰਜ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ ਮੰਗਲਵਾਰ ਦੋ ਟੀਨਏਜਰਜ਼ ਲਾਪਤਾ ਹੋਏ ਸਨ ਜੋ ਕਿ ਬਾਅਦ ਵਿਚ ਲੇਡੁਕ ਤੋਂ ਮਿਲੇ। 40 ਸਾਲਾ ਵਿਅਕਤੀ ਨੂੰ ਟੂ ਹਿਲਸ ਤੋਂ ਹਿਰਾਸਤ ਵਿਚ ਲਿਆ ਗਿਆ।

ਉਸ ਨੂੰ ਜਿਨਸੀ ਦਖਲਅੰਦਾਜ਼ੀ,ਜਿਨਸੀ ਹਮਲਾ,ਬਾਲ ਅਸ਼ਲੀਲਤਾ ਰੱਖਣ ਅਤੇ ਬੱਚਿਆਂ ਨੂੰ ਝਾਂਸਾ ਦੇਣ ਦੇ 3 ਦੋਸ਼ਾਂ ਲਈ ਚਾਰਜ ਕੀਤਾ ਗਿਆ ਹੈ। ਉਸ ਨੂੰ ਜਲਦ ਹੀ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।