13.83C Vancouver 13.83C VancouverOct 27, 2021 9:04 PM - The Canadian Press
ਬੀ.ਸੀ. 'ਚ ਰਿਸਰਚਰਸ ਦੇ ਇੱਕ ਇੰਡੀਪੈਂਡੈਂਟ ਗਰੁੱਪ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਕੋਵਿਡ-19 ਮਾਮਲੇ ਪ੍ਰਤੀ ਦਿਨ 2% ਦੀ ਦਰ 'ਤੇ ਘਟ ਰਹੇ ਹਨ।
ਹਾਲਾਂਕਿ ਉਨ੍ਹਾਂ ਦਾ ਕਹਿਣਾ ਹੈ ਕਿ ਵਾਇਰਸ ਦਾ ਅਗਲਾ ਨਿਸ਼ਾਨਾ 10 ਸਾਲ ਤੋਂ ਘਟ ਦੇ ਬੱਚੇ ਹੋ ਸਕਦੇ ਹਨ।
ਇਸ ਦੀ ਵਜ੍ਹਾ ਇਸ ਵਰਗ ਦੇ ਬੱਚਿਆਂ ਦਾ ਅਨਵੈਕਸੀਨੇਟਿਡ ਹੋਣਾ ਦੱਸਿਆ ਗਿਆ।
ਬੀ.ਸੀ. ਦੀਆਂ 3 ਯੂਨੀਵਰਸਿਟੀਸ ਦੇ ਐਪੀਡਿਮੀਔਲੋਜੀ, ਮੈਥੇਮੈਟਿਕਸ ਅਤੇ ਡਾਟਾ ਅਨੈਲੀਸਿਸ ਦੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਸਾਲ ਦੀ ਸ਼ੁਰੂਆਤ 'ਚ ਇਸ ਵਰਗ 'ਚ ਕੋਵਿਡ-19 ਦੇ ਮਾਮਲਿਆਂ ਦਾ ਖਤਰਾ ਅੱਧਾ ਸੀ ਪਰ ਹੁਣ ਇਸ 'ਚ ਵਾਧਾ ਹੋ ਸਕਦਾ ਹੈ।
ਇੱਕ ਨਵੀਂ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਵੈਕਸੀਨੇਸ਼ਨ ਅਤੇ ਇੰਡੋਰ ਥਾਵਾਂ 'ਤੇ ਮਾਸਕ ਪਹਿਨਣ ਆਸਰੇ ਇਸ ਪਤਝੜ ਰੁੱਤੇ ਵਾਇਰਸ ਦੇ ਫੈਲਾਅ ਨੂੰ ਰੋਕਿਆ ਜਾ ਸਕਿਆ।
ਪਰ ਮਾਹਿਰਾਂ ਦਾ ਕਹਿਣਾ ਹੈ ਕਿ ਵਧੇਰੇ ਠੰਡੇ ਮੌਸਮ ਅਤੇ ਵਧੇਰੇ ਵੇਰੀਐਂਟਸ ਕਾਰਨ ਖਤਰਾ ਵਧ ਸਕਦਾ ਹੈ।
ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਕਿ ਆਈ.ਸੀ.ਯੂ. 'ਚ ਦਾਖਿਲਿਆਂ ਦੀ ਗਿਣਤੀ ਸਿਤੰਬਰ 'ਚ ਵਧੀ ਸੀ ਪਰ ਪਰੂਫ ਆਫ ਵੈਕਸੀਨੇਸ਼ਨ ਆਸਰੇ ਇਹ ਮੁੜ ਤੋਂ ਘਟੀ ਹੈ।
ਇਸ 'ਚ ਕਿਹਾ ਗਿਆ ਕਿ, 95% ਵੈਕਸੀਨੇਸ਼ਨ ਦਰ ਵਾਲੀਆਂ ਕਮਿਊਨਿਟੀਸ 'ਚ 75% ਵੈਕਸੀਨੇਸ਼ਨ ਵਾਲੀਆਂ ਕਮਿਊਨਿਟੀਸ ਮੁਕਾਬਲੇ 4.3 ਗੁਣਾ ਘਟ ਮਾਮਲੇ ਰਿਪੋਰਟ ਹੋ ਰਹੇ ਹਨ।
