9.79C Vancouver 9.79C VancouverDec 15, 2020 4:45 PM -
ਫੈਡਰਲ ਸਰਕਾਰ ਨੇ ਮੌਡਰਨਾ ਨਾਲ ਇੱਕ ਕਰਾਰ ਕੀਤਾ ਹੈ ਜਿਸ ਵਿਚ ਹੈਲਥ ਕਨੇਡਾ ਦੀ ਮਨਜ਼ੂਰੀ ਮਿਲਣ ਤੋਂ 48 ਘੰਟਿਆਂ ਦੇ ਅੰਦਰ-ਅੰਦਰ ਕੋਵਿਡ -19 ਟੀਕੇ ਦੀਆਂ ਖੁਰਾਕਾਂ ਕੈਨੇਡਾ ਭੇਜੀਆਂ ਜਾਣਗੀਆਂ।
ਹੈਲਥ ਕਨੇਡਾ ਦੇ ਮੁੱਖ ਮੈਡੀਕਲ ਸਲਾਹਕਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਵਿਭਾਗ ਵੱਲੋਂ ਕੋਵਿਡ -19 ਲਈ ਬਹੁਤ ਜਲਦੀ ਦੂਜੇ ਟੀਕੇ ਨੂੰ ਪ੍ਰਵਾਨਗੀ ਦੇ ਦਿੱਤੇ ਜਾਣ ਦੀ ਆਸ ਹੈ।
ਡਾ. ਸੁਪ੍ਰੀਆ ਸ਼ਰਮਾ ਮੁਤਾਬਕ ਅਮਰੀਕੀ ਬਾਇਓਟੈੱਕ ਫਰਮ ਮੌਡਰਨਾ ਦੇ ਵੈਕਸੀਨ ਤੋਂ ਸਕਾਰਾਤਮਕ ਨਤੀਜਿਆਂ ਦੀ ਉਮੀਦ ਹੈ ਪਰ ਫ਼ੈਸਲਾ ਲੈਣ ਤੋਂ ਪਹਿਲਾਂ ਕੁਝ ਅਹਿਮ ਦਸਤਾਵੇਜ਼ਾਂ ਦੀ ਜ਼ਰੂਰਤ ਹੈ।
ਬਾਕੀ ਦੋ ਕੰਪਨੀਆਂ ਵੱਲੋਂ ਤਿਆਰ ਕੀਤੇ ਜਾ ਰਹੇ ਵੈਕਸੀਨ ਦੀ ਚੱਲ ਰਹੀ ਪੜਚੋਲ ਦੇ ਨਤੀਜੇ ਫ਼ਿਲਹਾਲ ਘੱਟ ਨਿਸ਼ਚਿਤ ਹਨ।
ਐਸਟਰਾਜ਼ੇਨੇਕਾ ਨੂੰ ਹੈਲਥ ਕੈਨੇਡਾ ਤੋਂ ਮਨਜ਼ੂਰੀ ਲੈਣ ਤੋਂ ਪਹਿਲਾਂ ਸੰਭਾਵਿਤ ਤੌਰ ਤੇ ਵਧੇਰੇ ਅਧਿਐਨ ਦੀ ਲੋੜ ਹੈ।
ਜੌਹਨਸਨ ਐਂਡ ਜੌਹਨਸਨ ਟੀਕੇ ਦੇ ਉਮੀਦਵਾਰ ਦੀ ਸਮੀਖਿਆ ਅਜੇ ਵੀ ਬਹੁਤ ਸ਼ੁਰੂਆਤੀ ਪੜਾਅ ਵਿੱਚ ਹੈ।
ਹੈਲਥ ਕੈਨੇਡਾ ਵੱਲੋਂ ਫਾਈਜ਼ਰ ਬਾਇਓਐਨਟੈਕ ਦੇ ਟੀਕੇ ਨੂੰ ਮਨਜ਼ੂਰੀ 9 ਦਸੰਬਰ ਨੂੰ ਦਿੱਤੀ ਗਈ ਸੀ ਅਤੇ ਵੈਕਸੀਨ ਦੀਆਂ ਪਹਿਲੀਆਂ ਖ਼ੁਰਾਕਾਂ ਐਤਵਾਰ ਨੂੰ ਕੈਨੇਡਾ ਪਹੁੰਚ ਗਈਆਂ ਸਨ।
ਸੋਮਵਾਰ ਸਵੇਰ ਨੂੰ ਟੋਰਾਂਟੋ ਦੇ ਸਿਹਤ ਸੰਭਾਲ ਕਾਮਿਆਂ ਅਤੇ ਮੌਂਟਰੀਆਲ ਅਤੇ ਕਿਊਬੈਕ ਸਿਟੀ ਦੇ ਲੌਂਗ ਟਰਮ ਕੇਅਰ ਹੋਮਾਂ ਨੂੰ ਸਭ ਤੋਂ ਪਹਿਲਾਂ ਇਹ ਵੈਕਸੀਨ ਲਾਏ ਗਏ ਸਨ।
