13.51C Vancouver 13.51C VancouverJul 5, 2024 7:17 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪਾਰਟੀ ਵਿਚ ਡੈਮੇਜ ਕੰਟਰੋਲ ਕਰਨ ਲਈਐਮਪੀ ਐਂਥਨੀ ਹਾਊਸਫਾਦਰ ਨੂੰ ਯਹੂਦੀ ਭਾਈਚਾਰਕ ਨਾਲ ਸਬੰਧਾਂ ਬਾਰੇ ਆਪਣਾ ਵਿਸ਼ੇਸ਼ ਸਲਾਹਕਾਰ ਨਿਯੁਕਤ ਕੀਤਾ ਹੈ।
ਹਾਊਸਫਾਦਰ ਦੀ ਇਹ ਨਿਯੁਕਤੀ ਇਜ਼ਰਾਇਲ-ਹਮਾਸ ਯੁੱਧ ਨੂੰ ਲੈ ਕੇ ਲਿਬਰਲ ਕਾਕਸ ਵਿਚ ਵਧੇ ਮਤਭੇਦ ਵਿਚਕਾਰ ਹੋਈ ਹੈ। ਉੱਥੇ ਹੀ,ਯਹੂਦੀ ਭਾਈਚਾਰੇ ਲਈ ਡੇਬੋਰਾਹ ਲਿਓਨ ਪਹਿਲਾਂ ਹੀ ਸਰਕਾਰ ਦੀ ਵਿਸ਼ੇਸ਼ ਰਾਜਦੂਤ ਹੈ ਅਤੇ ਹੁਣ ਸਵਾਲ ਇਹ ਉੱਠ ਰਹੇ ਹਨ ਕਿ ਹਾਊਸਫਾਦਰ ਦਾ ਰੋਲ ਇਸ ਤੋਂ ਕਿਸ ਤਰ੍ਹਾਂ ਵੱਖਰਾ ਹੋਵੇਗਾ। ਇਜ਼ਰਾਇਲ ਅਤੇ ਯਹੂਦੀ ਦੇ ਮੁੱਦੇ ’ਤੇ ਹਾਊਸਫਾਦਰ ਆਪਣੀ ਸਰਕਾਰ ਨੂੰ ਕਈ ਵਾਰ ਘੇਰ ਚੁੱਕੇ ਹਨ।
ਉਨ੍ਹਾਂ ਸ਼ੁੱਕਰਵਾਰ ਨੂੰ ਮੀਡੀਆ ਲਈ ਜਾਰੀ ਬਿਆਨ ਵਿਚ ਕਿਹਾ ਕਿ ਮੇਰੀ ਜ਼ਿੰਦਗੀ ਵਿਚ ਪਹਿਲਾਂ ਕਦੇ ਅਜਿਹਾ ਸਮੇਂ ਨਹੀਂ ਆਇਆ ਜਦੋਂ ਯਹੂਦੀ ਕੈਨੇਡੀਅਨ ਨੂੰ ਅੱਜ ਦੀ ਤਰ੍ਹਾਂ ਖਤਰਾ ਮਹਿਸੂਸ ਹੋਇਆ ਹੋਵੇ।
ਉਨ੍ਹਾਂ ਕਿਹਾ ਕਿ ਸਾਡੇ ਭਾਈਚਾਰੇ ਪ੍ਰਤੀ ਅੱਜ ਜੋ ਨਫਰਤ ਪੈਦਾ ਹੋਈ ਹੈ ਉਸ ਨੂੰ ਪੂਰੀ ਤਰ੍ਹਾਂ ਖਤਮ ਤਾਂ ਨਹੀਂ ਕੀਤਾ ਜਾ ਸਕਦਾ ਪਰ ਸਰਕਾਰ, ਯੂਨੀਵਰਸਿਟੀਜ਼ ਅਤੇ ਪੁਲਿਸ ਦੇ ਪੱਧਰ ’ਤੇ ਯਹੂਦੀ ਲਈ ਸੇਫ ਮਾਹੌਲ ਲਈ ਕਦਮ ਉਠਾਏ ਜਾ ਸਕਦੇ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਸਰਕਾਰ ਯਹੂਦੀ ਪ੍ਰਤੀ ਭੇਦਭਾਵ ਅਤੇ ਨਫਰਤ ਨਾਲ ਲੜਨ ਲਈ ਹਰ ਸੰਭਵ ਕੋਸ਼ਿਸ਼ ਕਰੇਗੀ। ਗੌਰਤਲਬ ਹੈ ਕਿ ਮਾਂਟਰੀਅਲ ਤੋਂ ਐੱਮ.ਪੀ. ਹਾਊਸਫਾਦਰ ਖੁਦ ਵੀ ਯਹੂਦੀ ਹੋਣ ਕਾਰਨ ਭੇਦਭਾਵ ਦਾ ਸ਼ਿਕਾਰ ਹੋ ਚੁੱਕੇ ਹਨ।
