13.2C Vancouver 13.2C VancouverApr 2, 2024 1:02 PM - The Canadian Press
ਕੈਨੇਡੀਅਨ ਇਲੈਕਸ਼ਨ ਵਿਚ ਵਿਦੇਸ਼ੀ ਦਖ਼ਲ ਦੇ ਦੋਸ਼ਾਂ ਦੇ ਕੇਂਦਰ ਵਿਚ ਰਹੇ ਆਜ਼ਾਦ ਸੰਸਦ ਮੈਂਬਰ ਹਾਨ ਡੋਂਗ ਵਲੋਂ ਅੱਜ ਵਿਦੇਸ਼ੀ ਦਖਲਅੰਦਾਜ਼ੀ ਕਮਿਸ਼ਨ ਸਾਹਮਣੇ ਗਵਾਹੀ ਦਿੱਤੀ ਜਾ ਰਹੀ ਹੈ। ਹਾਨ ਡੋਂਗ ਲਿਬਰਲ ਪਾਰਟੀ ਦੇ ਐੱਮ.ਪੀ. ਸਨ, ਜਿਨ੍ਹਾਂ ਨੇ 2019 ਦੀਆਂ ਇਲੈਕਸ਼ਨ ਵਿਚ ਚੀਨ ਦੀ ਮਦਦ ਨਾਲ ਆਪਣੀ ਸੀਟ ਜਿੱਤਣ ਦੇ ਦੋਸ਼ ਲੱਗਣ ’ਤੇ ਲਿਬਰਲ ਕਾਕਸ ਛੱਡ ਦਿੱਤਾ ਸੀ।
ਉਨ੍ਹਾਂ ਦੇ ਨਾਲ ਓਨਟਾਰੀਓ ਦੇ ਸਾਬਕਾ ਕੈਬਨਿਟ ਮੰਤਰੀ ਮਾਈਕਲ ਚੈਨ ਵੀ ਜਾਂਚ ਕਮਿਸ਼ਨ ਸਾਹਮਣੇ ਪੇਸ਼ ਹੋ ਰਹੇ ਹਨ ਜੋ ਮੌਜੂਦਾ ਸਮੇਂ ਮਾਰਖਮ ਦੇ ਡਿਪਟੀ ਮੇਅਰ ਹਨ। ਉਥੇ ਹੀ, ਲਿਬਰਲ, ਕੰਜ਼ਰਵੇਟਿਵ ਅਤੇ ਐੱਨ.ਡੀ.ਪੀ. ਦੇ 2021 ਦੀਆਂ ਇਲੈਕਸ਼ਨਸ ਦੇ ਮੁਹਿੰਮ ਨਿਰਦੇਸ਼ਕ ਕੋਲੋਂ ਵੀ ਕਮਿਸ਼ਨ ਪੁੱਛਗਿੱਛ ਕਰ ਰਿਹਾ ਹੈ।
ਦੱਸ ਦੇਈਏ ਕਿ ਵਿਦੇਸ਼ੀ ਦਖਲਅੰਦਾਜ਼ੀ ਕਮਿਸ਼ਨ ਕੈਨੇਡਾ ਦੀਆਂ ਪਿਛਲੀਆਂ ਦੋ ਆਮ ਚੋਣਾਂ ਵਿਚ ਚੀਨ, ਇੰਡੀਆ, ਰੂਸ ਅਤੇ ਹੋਰ ਮੁਲਕਾਂ ਵਲੋਂ ਕੀਤੀ ਗਈ ਸੰਭਾਵਿਤ ਵਿਦੇਸ਼ ਦਖ਼ਲ ਦੀ ਜਾਂਚ ਕਰ ਰਿਹਾ ਹੈ।
ਮੌਜੂਦਾ ਗਵਾਹੀਆਂ ਦਾ ਦੌਰ 10 ਅਪ੍ਰੈਲ ਨੂੰ ਸਮਾਪਤ ਹੋਵੇਗਾ ਅਤੇ ਉਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਉਨ੍ਹਾਂ ਦੇ ਕੈਬਨਿਟ ਮਿਨਿਸਟਰਸ ਤੇ ਹੋਰ ਸੀਨੀਅਰ ਸਰਕਾਰੀ ਅਧਿਕਾਰੀ ਵੀ ਜਾਂਚ ਕਮਿਸ਼ਨ ਸਾਹਮਣੇ ਪੇਸ਼ ਹੋਣਗੇ। ਕਮਿਸ਼ਨ ਵਲੋਂ ਜਾਂਚ ਨਤੀਜਿਆਂ ਦੀ ਸ਼ੁਰੂਆਤੀ ਰਿਪੋਰਟ 3 ਮਈ ਨੂੰ ਜਾਰੀ ਕੀਤੀ ਜਾਵੇਗੀ।
