21.05C Vancouver 21.05C VancouverFeb 3, 2022 10:22 PM - Connect News
ਨੌਰਥ ਵੈਨਕੂਵਰ 'ਚ ਇੱਕ ਟੀਨੇਜਰ ਨੂੰ ਤੇਜ ਰਫਤਾਰ 'ਤੇ ਗੱਡੀ ਭਜਾਉਣਾ ਮਹਿੰਗਾ ਪੈ ਗਿਆ ਹੈ।
ਗੱਡੀ ਭਜਾਉਣ ਵਾਲੇ ਨੂੰ 90 ਦਿਨ ਦੀ ਡਰਾਈਵਿੰਗ ਪ੍ਰੋਹਿਬਸ਼ਨ, 30 ਦਿਨ ਲਈ ਗੱਡੀ ਇੰਪਾਉਂਡ ਹੋਣਾ ਅਤੇ ਵੱਡੇ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਦੱਸਿਆ ਗਿਆ ਕਿ ਵਾਹਨ ਚਾਲਕ ਕੋਲ 'ਐਨ' ਲਾਈਸੈਂਸ ਸੀ।
ਪੁਲਿਸ ਨੇ ਟਵਿਟਰ 'ਤੇ ਜਾਣਕਾਰੀ ਅਤੇ ਤਸਵੀਰ ਸਾਂਝੀ ਕਰਦੇ ਹੋਏ ਦੱਸਿਆ ਕਿ ਨੌਰਥ ਵੈਨਕੂਵਰ ਦੇ ਇੱਕ ਵਾਹਨ ਚਾਲਕ ਨੂੰ 80km ਪ੍ਰਤੀ ਘੰਟਾ ਦੀ ਰਫਤਾਰ ਵਾਲੇ ਇਲਾਕੇ 'ਚ 225km ਪ੍ਰਤੀ ਘੰਟਾ ਦੀ ਰਫਤਾਰ 'ਤੇ ਗੱਡੀ ਭਜਾਉਂਦੇ ਵੇਖਿਆ ਗਿਆ।
ਮਾਮਲੇ ਬੀਤੇ ਵੀਕਐਂਡ ਦਾ ਦੱਸਿਆ ਗਿਆ।
ਵਾਹਨ ਚਾਲਕ ਦੀ ਉਮਰ 19 ਸਾਲ ਦੱਸੀ ਗਈ ਹੈ। ਸਾਰਜੈਂਟ ਪੀਟਰ ਡੀਵਰਾਈਸ ਨੇ ਦੱਸਿਆ ਕਿ ਇਸ ਵਿਅਕਤੀ ਦਾ ਸ਼ਰਾਬ ਦੇ ਸੇਵਨ ਸੰਬੰਧੀ ਰੋਡਸਾਈਡ ਸਕਰੀਨਿੰਗ ਟੈਸਟ ਵੀ ਫੇਲ੍ਹ ਹੋ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਪੂਰੀ ਘਟਨਾ ਲੋਕਾਂ ਦੀ ਸੁਰੱਖਿਆ ਪ੍ਰਤੀ ਅਣਗਹਿਲੀ ਦਾ ਉਦਾਹਰਣ ਪੇਸ਼ ਕਰਦੀ ਹੈ।
ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਅਣਗਹਿਲੀਆਂ ਨਾਲ ਸੰਬੰਧਤ ਜੁਰਮਾਨਾ ਹਜ਼ਾਰਾਂ ਡਾਲਰਾਂ ਦਾ ਹੋਵੇਗਾ।
