16.84C Vancouver 16.84C VancouverJul 14, 2021 1:16 AM -
ਨਨਾਈਮੋ ਦੇ ਇੱਕ ਮੱਛੀ ਫੜਨ ਵਾਲੇ ਦਾ ਕਹਿਣਾ ਹੈ ਕਿ ਉਸ ਨੂੰ ਸ਼ੱਕ ਹੈ ਕਿ ਉਸ ਨੇ ਬੀ.ਸੀ. ਦੇ ਪਾਣੀਆਂ 'ਚ ਸ਼ਾਰਕ ਵੇਖੀ ਹੈ।
ਉਹ ਸਿਰਫ ਇਹ ਗੱਲ ਆਖ ਹੀ ਨਹੀਂ ਰਿਹਾ ਹੈ, ਬਲਕਿ ਇਹ ਸਿੱਧ ਕਰਨ ਲਈ ਉਸ ਕੋਲ ਵੀਡੀਓ ਦਾ ਆਧਾਰ ਵੀ ਹੈ।
ਇਸ ਵਿਅਕਤੀ ਦਾ ਨਾਮ ਰੌਏ ਬੈਨ ਹੈ। ਇਹ ਵਿਅਕਤੀ ਨਨਾਈਮੋ ਕੋਲ ਐਂਟਰੈਂਸ ਆਈਲੈਂਡ ਕੋਲ ਮੱਛੀਆਂ ਫੜ੍ਹ ਰਿਹਾ ਸੀ।
ਇਸੇ ਦੌਰਾਨ ਉਸ ਨੂੰ ਆਪਣੀ ਲਾਈਨ 'ਤੇ ਕੁਝ ਮਜ਼ਬੂਤ ਹਲਚਲ ਮਹਿਸੂਸ ਹੋਈ।
ਉਸ ਨੂੰ ਲੱਗਿਆ ਕੋਈ ਭਾਰੀ ਮੱਛੀ ਉਸ ਦੀ ਲਾਈਨ 'ਚ ਫਸ ਗਈ ਹੈ। ਉਸ ਨੂੰ ਮੱਛੀ ਨੂੰ ਪਾਣੀ 'ਚ ਉੱਤੇ ਤਕ ਲਿਆਉਣ ਲਈ ਕਰੀਬ 15 ਤੋਂ 20 ਮਿੰਟ ਲੱਗੇ।
ਉਸ ਨੇ ਜਦ ਮੱਛੀ ਨੂੰ ਵੇਖਿਆ ਤਾਂ ਉਹ ਦੰਗ ਰਹਿ ਗਿਆ ਅਤੇ ਉਸ ਨੇ ਆਪਣੀ ਮੰਗੇਤਰ ਨੂੰ ਪੁੱਛਿਆ ਕਿ ਉਸ ਨੇ ਵੀ ਉਹ ਵੇਖਿਆ, ਜੋ ਉਸ ਨੇ ਵੇਖਿਆ ਸੀ।
ਉਸ ਨੇ ਕਿਹਾ ਕਿ ਜਾਪਦਾ ਹੈ ਜਿਵੇਂ ਉਸ ਨੂੰ ਸ਼ਾਰਕ ਵਿਖਾਈ ਦਿੱਤੀ ਹੋਵੇ।
ਉਸ ਦੇ ਅਨੁਸਾਰ ਇਹ ਮੱਛੀ ਕਰੀਬ ਡੇਢ ਮੀਟਰ ਲੰਮੀ ਸੀ।
ਉਸ ਨੇ ਲਾਈਨ ਨੂੰ ਕੱਟ ਦਿੱਤਾ।
ਹਾਲਾਂਕਿ ਬੈਨ ਦਾ ਕਹਿਣਾ ਸੀ ਕਿ ਜਦ ਉਸ ਦੇ ਇੱਕ ਰਿਸ਼ਤੇਦਾਰ ਨੇ ਵੀਡੀਓ ਵੇਖਿਆ ਤਾਂ ਉਨ੍ਹਾਂ ਕਿਹਾ ਕਿ ਇਹ ਇੱਕ ਸਿਕਸਗਿਲ ਸ਼ਾਰਕ (sixgill shark) ਜਾਪਦੀ ਹੈ।
