14.15C Vancouver 14.15C VancouverNov 19, 2020 8:27 PM -
ਆਰ.ਸੀ.ਐਮ.ਪੀ. 'ਚ ਔਰਤਾਂ ਨੂੰ ਪ੍ਰੇਸ਼ਾਨ ਕਰਨ ਦੇ ਮਾਮਲਿਆਂ 'ਤੇ ਆਈ ਰਿਪੋਰਟ ਤੋਂ ਬਾਅਦ, ਆਰ.ਸੀ.ਐਮ.ਪੀ. ਕਮਿਸ਼ਨਰ ਬ੍ਰੈਂਡਾ ਲੱਕੀ ਨੇ ਆਪਣੇ ਵਿਚਾਰ ਰੱਖੇ ਹਨ।
ਉਨ੍ਹਾਂ ਇਸ ਰਿਪੋਰਟ ਤੋਂ ਬਾਅਦ ਸਾਹਮਣੇ ਆਉਣ ਵਾਲੀਆਂ ਅਫ਼ਸਰਾਂ ਅਤੇ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨ ਵਾਲੀਆਂ ਅਫ਼ਸਰਾਂ ਤੋਂ ਮੁਆਫੀ ਮੰਗੀ ਹੈ।
ਉਨ੍ਹਾਂ ਕਿਹਾ ਕਿ ਆਰ.ਸੀ.ਐਮ.ਪੀ. 'ਚ ਹੋਮੋਫੋਬੀਕ ਜਾਂ ਜ਼ਹਿਰੀਲੇ ਰਵਈਏ ਲਈ ਕੋਈ ਜਗ੍ਹਾ ਨਹੀਂ ਹੈ।
ਯਾਦ ਰਹੇ ਅੱਜ ਉਜਾਗਰ ਹੋਈ ਆਰ.ਸੀ.ਐਮ.ਪੀ. 'ਚ ਔਰਤਾਂ ਨੂੰ ਪ੍ਰੇਸ਼ਾਨ ਕਰਨ ਸੰਬੰਧੀ ਇੱਕ ਇੰਡੀਪੈਂਡੈਂਟ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਸ 'ਚ ਬਦਲਾਅ ਆਰ.ਸੀ.ਐਮ.ਪੀ. ਦੇ ਅੰਦਰ ਤੋਂ ਨਹੀਂ ਆ ਸਕਦਾ, ਪਰ ਇਸ ਨੂੰ ਬਾਹਰ ਤੋਂ ਲਿਆਉਣਾ ਪਵੇਗਾ।
ਸੁਪ੍ਰੀਮ ਕੋਰਟ ਆਫ ਕੈਨੇਡਾ ਦੇ ਸਾਬਕਾ ਜਸਟਿਸ, ਮਿਸ਼ੈਲ ਬੈਸਟਾਰਸ਼ ਦਾ ਕਹਿਣਾ ਹੈ ਕਿ ਰਾਸ਼ਟਰੀ ਪੁਲਿਸ ਫੋਰਸ ਦਾ ਕਲਚਰ ਜ਼ਹਿਰੀਲਾ ਹੈ ਅਤੇ ਇਸ 'ਚ ਨਫਰਤੀ ਅਤੇ ਹੋਮੋਫੋਬੀਕ ਰਵਈਏ ਝੱਲਣੇ ਪੈਂਦੇ ਹਨ।
ਉਨ੍ਹਾਂ ਇਸ ਸੰਬੰਧੀ 52 ਸਿਫਾਰਸ਼ਾਂ ਦਿੱਤੀਆਂ ਹਨ ਅਤੇ ਕਿਹਾ ਕਿ ਫੈਡਰਲ ਸਰਕਾਰ ਨੂੰ ਇਸ 'ਤੇ ਤੁਰੰਤ ਸਹੀ ਐਕਸ਼ਨ ਲੈਣ ਦੀ ਲੋੜ ਹੈ।
