20.64C Vancouver 20.64C VancouverFeb 5, 2021 1:15 AM -
ਯੂਕੌਨ ਦੇ ਚੀਫ਼ ਮੈਡਿਕਲ ਅਫ਼ਸਰ ਆਫ ਹੈਲਥ ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਵੈਕਸੀਨੇਸ਼ਨ ਠੀਕ ਤਰੀਕੇ ਨਾਲ ਜਾਰੀ ਹੈ ਅਤੇ ਕਰੀਬ 10,000 ਲੋਕਾਂ ਨੂੰ ਵੈਕਸੀਨੇਟ ਕੀਤਾ ਗਿਆ ਹੈ।
ਪਰ ਡਾ. ਬ੍ਰੈਂਡਨ ਹੈਨਲੇ ਨੇ ਕਿਹਾ ਕਿ ਸਾਰੇ ਲੋਕਾਂ ਦੇ ਇਮਿਊਨਾਈਜ਼ ਹੋ ਜਾਣ ਤੋਂ ਬਾਅਦ ਵੀ ਪਬੰਦੀਆਂ ਜਾਰੀ ਰਹਿ ਸਕਦੀਆਂ ਹਨ।
ਵਾਈਟਹੌਰਸ 'ਚ ਗੱਲਬਾਤ ਕਰਦਿਆਂ ਉਨ੍ਹਾਂ ਇਹ ਟਿੱਪਣੀ ਕੀਤੀ।
ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੇ ਨਵੇਂ ਵੇਰੀਐਂਟਸ ਦੇ ਫੈਲਾਅ ਵਿਚਾਲੇ ਅਤੇ ਉੱਤਰੀ ਬੀ.ਸੀ. 'ਚ ਵਧਦੇ ਮਾਮਲਿਆਂ ਵਿਚਾਲੇ ਇਹ ਫੈਸਲਾ ਲਿਆ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਇਲਾਕੇ 'ਚ ਕੋਈ ਐਕਟਿਵ ਮਾਮਲੇ ਨਹੀਂ ਹਨ ਅਤੇ ਕਰੀਬ 25% ਲੋਕਾਂ ਨੂੰ ਵੈਕਸੀਨ ਮਿਲ ਚੁੱਕੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਸਥਿਤੀਆਂ ਉਸ ਵੇਲੇ ਆਮ ਜਿਹੀਆਂ ਹੋ ਸਕਦੀਆਂ ਹਨ ਜਦ ਬਾਕੀ ਦੇ ਕੈਨੇਡਾ 'ਚ ਅਜਿਹਾ ਸਾਧਾਰਨ ਜਿਹਾ ਮਾਹੌਲ ਹੋ ਜਾਵੇਗਾ।
