17.87C Vancouver 17.87C VancouverJul 17, 2024 7:28 PM - The Associated Press
ਅਮਰੀਕਾ ਵਿਚ ਨਵੰਬਰ ਵਿਚ ਹੋਣ ਵਾਲੀਆਂ ਰਾਸ਼ਟਰਪਤੀ ਚੋਣਾਂ ਤੋਂ ਜੋ ਬਾਈਡੇਨ ਪਿੱਛੇ ਨਹੀਂ ਹਟਣ ਵਾਲੇ, ਉਨ੍ਹਾਂ ਇੱਕ ਇੰਟਰਵਿਊ ਵਿਚ ਕਿਹਾ ਹੈ ਕਿ ਜੇ ਕੋਈ ਮੈਡੀਕਲ ਹਾਲਤ ਉਨ੍ਹਾਂ ਦੀ ਇਸ ਰਾਹ ਵਿਚ ਰੁਕਾਵਟ ਬਣਦੀ ਹੈ ਤਾਂ ਹੀ ਉਹ ਰਾਸ਼ਟਰਪਤੀ ਦੀ ਦੌੜ ਤੋਂ ਬਾਹਰ ਹੋਣ ਦਾ ਵਿਚਾਰ ਕਰ ਸਕਦੇ ਹਨ।
ਬਾਈਡੇਨ ਦੀ ਇਹ ਟਿੱਪਣੀ ਡੈਮੋਕਰੇਟਸ ਵਲੋਂ ਉਨ੍ਹਾਂ ਦੀ ਉਮਰ ਅਤੇ ਮਾਨਸਿਕ ਯੋਗਤਾ ਨੂੰ ਲੈ ਕੇ ਖੜ੍ਹੇ ਕੀਤੇ ਜਾ ਰਹੇ ਸਵਾਲਾਂ ਵਿਚਕਾਰ ਆਈ ਹੈ, ਖਾਸ ਕਰ ਡੋਨਲਡ ਟਰੰਪ ਨਾਲ ਰਾਸ਼ਟਰਪਤੀ ਡਿਬੇਟ ਵਿਚ ਹਾਰਨ ਤੋਂ ਬਾਅਦ ਪਾਰਟੀ ਵਿਚ ਉਨ੍ਹਾਂ ਦੀ ਉਮੀਦਵਾਰੀ ’ਤੇ ਭਰੋਸਾ ਘਟਿਆ ਹੈ।
ਹਾਲਾਂਕਿ, ਇਸ ਸਭ ਦੇ ਬਾਵਜੂਦ ਪਾਰਟੀ ਦੇ ਰਾਸ਼ਟਰੀ ਸੰਮੇਲਨ ਤੋਂ ਪਹਿਲਾਂ ਅਗਸਤ ਦੇ ਪਹਿਲੇ ਹਫ਼ਤੇ ਬਾਈਡੇਨ ਨੂੰ ਰਸਮੀ ਤੌਰ ’ਤੇ ਦੁਬਾਰਾ ਨਾਮਜ਼ਦ ਕਰਨ ਦੀ ਯੋਜਨਾ ਸਾਹਮਣੇ ਆਈ ਹੈ।
ਓਧਰ, ਇੱਕ ਸਰਵੇ ਦਾ ਕਹਿਣਾ ਹੈ ਕਿ ਲਗਭਗ ਦੋ-ਤਿਹਾਈ ਡੈਮੋਕਰੇਟਸ ਦਾ ਕਹਿਣਾ ਹੈ ਕਿ ਬਾਈਡੇਨ ਨੂੰ ਰਾਸ਼ਟਰਪਤੀ ਦੀ ਦੌੜ ਤੋਂ ਪਿੱਛੇ ਹਟ ਜਾਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਦੀ ਜਗ੍ਹਾ ਪਾਰਟੀ ਨੂੰ ਹੋਰ ਉਮੀਦਵਾਰ ਨੂੰ ਨਾਮਜ਼ਦ ਕਰਨਾ ਚਾਹੀਦਾ ਹੈ।
ਸਰਵੇ ਮੁਤਾਬਕ, ਬਲੈਕ ਡੈਮੋਕਰੇਟਸ ਬਾਈਡੇਨ ਦੇ ਸਭ ਤੋਂ ਮਜਬੂਤ ਸਮਰਥਕ ਹਨ ਜੋ ਚਾਹੁੰਦੇ ਹਨ ਕਿ ਬਾਈਡੇਨ ਉਮੀਦਵਾਰ ਬਣੇ ਰਹਿਣ। ਹਾਲਾਂਕਿ, ਸਿਰਫ ਇੱਕ ਤਿਹਾਈ ਡੈਮੋਕਰੇਟਸ ਮੰਨਦੇ ਹਨ ਕਿ ਬਾਈਡੇਨ ਟਰੰਪ ਦੀ ਤੁਲਨਾ ਵਿਚ ਜਿੱਤਣ ਵਿਚ ਵਧੇਰੇ ਸਮਰੱਥ ਹਨ।
