Jan 29, 2020 5:35 PM -

ਕੰਜ਼ਰਵੇਟਿਵ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿੱਚ ਹੁਣ ਨਿਊ ਬਰੰਸਵਿਕ ਦੇ ਐੱਮਪੀ (MP) ਜਾਨ ਵਿਲੀਅਮਸਨ ਉਤਰਨ ਦਾ ਵਿਚਾਰ ਕਰ ਰਹੇ ਹਨ।
ਵਿਲੀਅਮਸਨ ਨੇ ਕਿਹਾ ਕਿ ਇਸ ਸਮੇਂ ਲੀਡਰਸ਼ਿਪ ਦੌੜ ਵਿੱਚ ਉਤਰਨ ਦਾ ਵਧੀਆ ਮੌਕਾ ਹੈ।
ਸਾਬਕਾ ਕੰਜ਼ਰਵੇਟਿਵ ਕੈਬਨਿਟ ਮੰਤਰੀ ਪੀਟਰ ਮੈਕੇ ਅਤੇ ਏਰਿਨ ਓ’ ਟੂਲ ਸਿਰਫ ਦੋ ਉਹ ਉਮੀਦਵਾਰ ਹਨ ਜਿਨ੍ਹਾਂ ਨੇ ਲੀਡਰਸ਼ਿਪ ਦੌੜ ਵਾਸਤੇ $25,000 ਦਾ ਭੁਗਤਾਨ ਅਤੇ ਪਾਰਟੀ ਮੈਂਬਰਾਂ ਦੇ 1,000 ਦਸਤਖ਼ਤ ਦੀਆਂ ਮੁਢਲੀਆਂ ਲੋੜ੍ਹਾਂ ਪੂਰੀਆਂ ਕਰ ਦਿਤੀਆਂ ਹਨ।
ਸਾਰੇ ਉਮੀਦਵਾਰਾਂ ਵਾਸਤੇ 27 ਫਰਵਰੀ $25,000 ਦਾ ਪਹਿਲਾ ਭੁਗਤਾਨ ਅਤੇ 1,000 ਦਸਤਖ਼ਤ ਜਮਾਂ ਕਰਾਉਣ ਦੀ ਆਖਰੀ ਤਾਰੀਕ ਹੈ।
ਉਸ ਤੋਂ ਬਾਅਦ $275,000 ਅਤੇ 2,000 ਦਸਤਖ਼ਤ 25 ਮਾਰਚ ਤੱਕ ਜਮਾਂ ਹੋਣੇ ਲਾਜ਼ਮੀ ਹਨ।
ਕੰਜ਼ਰਵੇਟਿਵ ਪਾਰਟੀ ਵਲੋਂ ਆਪਣੇ ਨਵੇਂ ਲੀਡਰ ਦਾ ਫੈਸਲਾ 27 ਜੂਨ ਨੂੰ ਲਿਆ ਜਾਵੇਗਾ।




