11.1C Vancouver 11.1C VancouverAug 21, 2025 7:13 PM - Connect Newsroom
ਬੀ.ਸੀ. ਸਰਕਾਰ ਨੇ ਬਰਨਬੀ, ਕੋਕਟਲਮ ਅਤੇ ਰਿਚਮੰਡ ਸਮੇਤ 10 ਸ਼ਹਿਰਾਂ ਲਈ ਹਾਊਸਿੰਗਟ ਟਾਰੇਗਟਸ ਤੈਅ ਕਰ ਦਿੱਤੇ ਹਨ, ਜਿਸ ਨਾਲ ਆਉਣ ਵਾਲੇ ਸਾਲਾਂ ਵਿਚ ਕਮਿਊਨਿਟੀ ਲਈ ਹਜ਼ਾਰਾਂ ਘਰ ਉਪਲਬਧ ਹੋਣ ਜਾ ਰਹੇ ਹਨ। ਬੀ. ਸੀ. ਸਰਕਾਰ ਨੇ ਅੱਜ ਇਸ ਸਬੰਧੀ ਇੱਕ ਘੋਸ਼ਣਾ ਵਿਚ ਕਿਹਾ ਕਿ ਨਵੇਂ ਹਾਊਸਿੰਗ ਟਾਰਗੇਟ ਸਬੰਧੀ ਇਹ ਨਗਰ ਪਾਲਿਕਾਵਾਂ ਦਾ ਚੌਥਾ ਗਰੁੱਪ ਹੈ।
1 ਸਤੰਬਰ, 2025 ਤੋਂ ਪੰਜ ਸਾਲਾਂ ਵਿਚ ਇਨ੍ਹਾਂ 10 ਸ਼ਹਿਰਾਂ ਦੇ ਗਰੁੱਪ ਨੂੰ ਕੁੱਲ 38,930 ਘਰ ਬਣਾਉਣ ਦਾ ਟੀਚਾ ਦਿੱਤਾ ਗਿਆ ਹੈ, ਜੋ ਇਨ੍ਹਾਂ ਸ਼ਹਿਰਾਂ ਦੀ ਅਨੁਮਾਨਤ ਹਾਊਸਿੰਗ ਜ਼ਰੂਰਤ ਦਾ 75 ਫੀਸਦੀ ਹਨ। ਇਸ ਟਾਰਗੇਟ ਤਹਿਤ ਬਰਨਬੀ ਨੂੰ ਪੰਜ ਸਾਲਾਂ ਵਿਚ 10,240 ਘਰ ਬਣਾਉਣੇ ਹੋਣਗੇ, ਉਥੇ ਹੀ ਕੋਕਟਲਮ ਲਈ ਇਹ ਟਾਰਗੇਟ 6,481 ਦਾ, ਰਿਚਮੰਡ ਲਈ 6,753 ਦਾ ਅਤੇ ਟਾਊਨਸ਼ਿਪ ਆਫ ਲੈਂਗਲੀ ਨੂੰ 6,596 ਘਰ ਬਣਾਉਣ ਦਾ ਟੀਚਾ ਮਿਲਿਆ ਹੈ।
ਇਸੇ ਤਰ੍ਹਾਂ ਹੋਰ ਸ਼ਹਿਰ ਜੋ ਇਸ ਨਵੇਂ ਹਾਊਸਿੰਗ ਟਾਰਗੇਟ ਵਿਚ ਸ਼ਾਮਲ ਕੀਤੇ ਗਏ ਹਨ, ਉਹਨਾਂ ਵਿਚ ਕੋਰਟੇਨੇ, ਲੈਂਗਫੋਰਡ, ਪੇਂਟਿਕਟਨ, ਪਿਟ ਮੀਡੋਜ਼, ਸਕੁਐਮਿਸ਼ ਅਤੇ ਵਰਨੋਨ ਸ਼ਾਮਲ ਹਨ। ਕੁੱਲ 38,930 ਘਰਾਂ ਵਿਚ 14,000 ਦੇ ਕਰੀਬ ਘਰ ਬਾਜ਼ਾਰ ਤੋਂ ਘੱਟ ਕਿਰਾਏ ਵਾਲੇ ਹੋਣਗੇ।
