17.28C Vancouver 17.28C VancouverNov 12, 2020 5:21 PM -
ਮੈਨੀਟੋਬਾ ਦੇ ਨਿਵਾਸੀਆਂ ਲਈ ਅੱਜ ਦੇ ਸਵੇਰ ਕੋਡ ਰੈੱਡ ਪਬੰਦੀਆਂ ਨਾਲ ਲੈ ਕੇ ਆਈ ਹੈ।
ਇਹ ਪਬੰਦੀਆਂ ਮੰਗਲਵਾਰ ਨੂੰ ਐਲਾਨੀਆਂ ਗਈਆਂ ਸਨ।
ਅੱਜ ਤੋਂ ਸਾਰੇ ਗੈਰ-ਜ਼ਰੂਰੀ ਸਟੋਰਜ਼ 'ਚ ਸਿਰਫ ਕਰਬ-ਸਾਈਡ ਪਿਕ-ਅਪ ਜਾਂ ਡਿਲੀਵਰੀ ਦੀ ਇਜਾਜ਼ਤ ਹੋਵੇਗੀ।
ਘਰ ਨਾਲ ਸੰਬੰਧਤ ਲੋਕਾਂ ਦੇ ਬਾਹਰ, ਸੋਸ਼ਲ ਅਤੇ ਧਾਰਮਿਕ ਇਕੱਠ ਦੀ ਇਜਾਜ਼ਤ ਵੀ ਨਹੀਂ ਹੋਵੇਗੀ।
ਕਿਸੇ ਵੀ ਇਕੱਠ ਦੀ ਗਿਣਤੀ ਨੂੰ 5 ਲੋਕਾਂ ਤੱਕ ਸੀਮਤ ਕਰ ਦਿੱਤਾ ਗਿਆ ਹੈ।
ਰੈਸਟੂਰੈਂਟ, ਮਿਊਜ਼ੀਅਮ, ਥੀਏਟਰ ਅਤੇ ਰੀਕ੍ਰੀਏਸ਼ਨਲ ਗਤੀਵਿਧੀਆਂ ਵੀ ਬੰਦ ਕੀਤੀਆਂ ਜਾ ਰਹੀਆਂ ਹਨ।
ਹਾਲਾਂਕਿ ਫ਼ਿਲਹਾਲ ਸਕੂਲ ਖੁੱਲ੍ਹੇ ਰਹਿਣਗੇ ਕਿਉਂਕਿ ਸੂਬੇ ਦੇ ਚੀਫ਼ ਪਬਲਿਕ ਹੈਲਥ ਅਫ਼ਸਰ ਅਨੁਸਾਰ ਸਕੂਲਾਂ ਨੂੰ ਫ਼ਿਲਹਾਲ ਸੰਕ੍ਰਮਣ ਦਾ ਵੱਡਾ ਕੇਂਦਰ ਨਹੀਂ ਮੰਨਿਆ ਜਾ ਰਿਹਾ।
ਯਾਦ ਰਹੇ ਮੈਨੀਟੋਬਾ 'ਚ ਕੈਨੇਡਾ ਦਾ ਸਭ ਤੋਂ ਵੱਡਾ, ਪਰ-ਕੈਪਿਟਾ ਕੇਸ ਲੋਡ ਦੱਸਿਆ ਗਿਆ ਹੈ।
ਕੱਲ ਸੂਬੇ 'ਚ 5,676 ਐਕਟਿਵ ਮਾਮਲੇ ਦੱਸੇ ਗਏ ਸਨ।
ਪ੍ਰੀਮਿਅਰ ਬ੍ਰਾਇਨ ਪੈਲਿਸਟਰ ਦਾ ਕਹਿਣਾ ਹੈ ਕਿ ਕੋਵਿਡ-19 ਨਾਲ ਜਾਰੀ ਲੜਾਈ 'ਚ ਸੂਬਾ ਇੱਕ ਨਾਜ਼ੁਕ ਮੋੜ 'ਤੇ ਖੜਾ ਹੈ।
