13.18C Vancouver 13.18C VancouverNov 26, 2021 10:06 PM - Connect News
ਨਿਊ ਵੈਸਟਮਿਨਸਟਰ 'ਚ ਪੁਲਿਸ ਵੱਲੋਂ ਇੱਕ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ ਕਥਿਤ ਤੌਰ 'ਤੇ ਚਾਈਲਡ ਲਿਓਰਿੰਗ, ਯਾਨੀ ਕਿ ਕਿਸੇ ਬੱਚੇ ਨੂੰ ਫੁਸਲਾਉਣ ਦੀ ਕੋਸ਼ਿਸ਼ ਕੀਤੀ ਗਈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕੋਈ ਡੈਸ਼ ਕੈਮ ਫੁਟੇਜ ਜਾਂ ਸੀ.ਸੀ.ਟੀ.ਵੀ. ਫੁਟੇਜ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
ਘਟਨਾ ਸੈਪਰਟਨ ਪਾਰਕ 'ਚ 21 ਨਵੰਬਰ ਨੂੰ ਵਾਪਰੀ ਸੀ।
ਐਤਵਾਰ ਸ਼ਾਮ ਕਰੀਬ 5.30 ਵਜੇ ਘਟਨਾ ਵਾਪਰੀ ਦੱਸੀ ਗਈ।
2 ਲੜਕੇ ਘਰ ਪਰਤ ਰਹੇ ਸਨ।
ਉਨ੍ਹਾਂ ਦੱਸਿਆ ਕਿ ਇੱਕ ਪਾਰਕ ਕੋਲੋਂ ਲੰਘਦੇ ਹੋਏ ਉਨ੍ਹਾਂ ਨੂੰ ਇੱਕ ਮਿਨੀਵੈਨ ਕੋਲ ਖੜੇ ਆਦਮੀ ਨੇ ਕਿਹਾ ਸੀ ਕਿ ਜੇਕਰ ਉਹ ਇੱਕ ਛੋਟਾ ਕਤੂਰਾ ਵੇਖਣਾ ਚਾਹੁੰਦੇ ਹਨ ਤਾਂ ਵਾਹਨ ਦੇ ਵਿੱਚ ਆ ਜਾਣ।
ਦੋਵੇਂ ਬੱਚੇ ਮੌਕੇ ਤੋਂ ਦੌੜ ਨਿਕਲੇ।
ਉਨ੍ਹਾਂ ਇਸ ਘਟਨਾ ਬਾਰੇ ਕਿਸੇ ਜਾਣਕਾਰ ਨੂੰ ਦੱਸਿਆ।
ਘਟਨਾ 'ਚ ਸ਼ਾਮਿਲ ਸ਼ੱਕੀ ਦੀ ਉਮਰ 45 ਤੋਂ 55 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।
