11.81C Vancouver 11.81C VancouverAug 27, 2020 10:40 PM -
ਅੱਜ ਰਾਤ ਦੀ ਐਨ.ਬੀ.ਏ. ਦੀ ਟੋਰੌਂਟੋ ਰੈਪਟਰਜ਼ ਅਤੇ ਬੌਸਟਨ ਸੈਲਟਿਕਸ ਦੀ ਗੇਮ ਨੂੰ ਪੋਸਟਪੋਨ ਕਰ ਦਿੱਤਾ ਗਿਆ ਹੈ।
ਐਤਵਾਰ ਨੂੰ ਵਿਸਕੌਨਸਿਨ ਦੇ ਕੀਨੋਸ਼ਾ 'ਚ 29 ਸਾਲਾ ਜੇਕਬ ਬਲੇਕ ਨਾਮ ਦੇ ਵਿਅਕਤੀ ਦੀ ਪੁਲਿਸ ਅਫ਼ਸਰ ਵੱਲੋਂ ਚਲਾਈਆਂ ਗਈਆਂ 7 ਗੋਲੀਆਂ ਤੋਂ ਬਾਅਦ, ਜ਼ਖਮੀ ਹੋਣ ਦੇ ਮਾਮਲੇ 'ਚ ਵਿਰੋਧ ਦੇ ਚਲਦਿਆਂ ਇਹ ਖੇਡ ਪੋਸਟਪੋਨ ਕੀਤੀ ਗਈ ਹੈ।
ਲੀਗ ਦਾ ਕਹਿਣਾ ਹੈ ਕਿ ਫਲੋਰੀਡਾ 'ਚ ਹੋਣ ਵਾਲੀਆਂ ਅੱਜ ਦੀਆਂ ਤਿੰਨੇ ਗੇਮਜ਼ ਰੱਦ ਕੀਤੀਆਂ ਜਾ ਰਹੀਆਂ ਹਨ।
ਹਾਲਾਂਕਿ ਲੀਗ ਦੇ ਅਗਲੇ ਮੁਕਾਬਲੇ ਜਾਰੀ ਰੱਖਣ ਬਾਰੇ ਦੱਸਿਆ ਗਿਆ ਹੈ।
ਐਨ.ਐਚ.ਐਲ. ਦੀ ਹਾਕੀ ਡਾਇਵਰਸਿਟੀ ਅਲਾਇੰਸ ਨੇ ਰਸਮੀ ਤੌਰ 'ਤੇ ਲੀਗ ਨੂੰ ਟੋਰੌਂਟੋ ਅਤੇ ਐਡਮਿੰਟਨ 'ਚ ਮੁਕਾਬਲੇ ਸਸਪੈਂਡ ਕਰਨ ਦੀ ਮੰਗ ਕੀਤੀ ਹੈ, ਤਾਂ ਜੋ ਸਪਸ਼ਟ ਕੀਤਾ ਜਾ ਸਕੇ ਕਿ ਮਨੁੱਖੀ ਅਧਿਕਾਰ ਖੇਡਾਂ ਤੋਂ ਵਧੇਰੇ ਜ਼ਰੂਰੀ ਹਨ।
ਇਸ ਤੋਂ ਬਾਅਦ ਖਬਰ ਉਜਾਗਰ ਹੋਈ ਹੈ ਕਿ ਕਨੱਕਸ ਤੇ ਗੋਲਡਨ ਨਾਈਟਸ ਦਾ ਅੱਜ ਦਾ ਮੁਕਾਬਲਾ ਵੀ ਪੋਸਟਪੋਨ ਕੀਤਾ ਜਾ ਰਿਹਾ ਹੈ।
ਕਈ ਐਨ.ਐਫ.ਐਲ. ਟੀਮਾਂ ਨੇ ਵੀ ਅੱਜ ਜੇਕਬ ਬਲੇਕ ਦੇ ਮਾਮਲੇ 'ਚ ਵਿਰੋਧ ਵਜੋਂ ਅਭਿਆਸ ਕਰਨ ਤੋਂ ਇਨਕਾਰ ਕੀਤਾ ਹੈ।
ਟੋਰੌਂਟੋ ਬਲੂ ਜੇਜ਼ ਮੈਨੇਜਰ ਚਾਰਲੀ ਮੁੰਟੋਯੋ ਦਾ ਕਹਿਣਾ ਹੈ ਕਿ ਟੀਮ ਵਿਚਾਰ ਕਰ ਰਹੀ ਹੈ ਕਿ ਬੌਸਟਨ ਰੈੱਡ ਸੌਕਸ ਖਿਲਾਫ਼ ਅੱਜ ਦੀ ਗੇਮ ਖੇਡੀ ਜਾਵੇ ਜਾਂ ਨਹੀਂ।
