13.03C Vancouver 13.03C VancouverFeb 1, 2022 1:11 AM - The Canadian Press
ਵੈਨਕੂਵਰ 'ਚ ਐਤਵਾਰ ਨੂੰ ਘਰ 'ਚ ਲੱਗੀ ਅੱਗ ਸੰਬੰਧੀ ਕਾਰਨ ਬਾਰੇ ਫਿਲਹਾਲ ਸਥਿਤੀ ਸਪਸ਼ਟ ਨਹੀਂ ਹੋ ਸਕੀ ਹੈ।
ਇਸ ਘਟਨਾ 'ਚ ਇੱਕ ਬੱਚੇ ਸਮੇਤ ਪਰਿਵਾਰ ਦੇ 3 ਮੈਂਬਰਾਂ ਦੀ ਮੌਤ ਹੋ ਗਈ ਸੀ।
ਘਟਨਾ 'ਚ 2 ਲੋਕਾਂ ਦੀ ਜਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਅਸੀਅਟੈਂਟ ਚੀਫ਼, ਬ੍ਰਾਇਨ ਬੈਰਟੁਜੀ ਦਾ ਕਹਿਣਾ ਸੀ ਕਿ 10 ਸਾਲ ਤੋਂ ਘੱਟ ਦੀ ਉਮਰ ਦਾ ਇੱਕ ਬੱਚਾ, ਉਸ ਦੀ ਮਾਂ ਅਤੇ ਦਾਦਾ ਇਸ ਘਟਨਾ 'ਚ ਜਾਨ ਗਵਾ ਬੈਠੇ।
ਘਟਨਾ 'ਚ ਬੱਚੇ ਦੀ ਦਾਦੀ ਅਤੇ ਪਿਓ ਨੂੰ ਜਖਮੀ ਹੋਇਆ ਦੱਸਿਆ ਗਿਆ ਹੈ।
ਇਸ ਘਰ ਦੀਆਂ ਪੌੜੀਆਂ ਦੇ ਕੋਲ ਮਿਲੇ ਇੱਕ ਹੱਥ-ਲਿਖਤ ਨੋਟ 'ਚ ਲਿਖਿਆ ਸੀ, ਆਈਵਨ ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ, ਅਤੇ ਮਾਂ ਤੇ ਦਾਦਾ ਨੂੰ ਸੰਬੋਧਿਤ ਕਰ ਕੇ ਲਿਖਿਆ ਸੀ ਕਿ ਅਸੀਂ ਉਨ੍ਹਾਂ ਲਈ ਪ੍ਰਾਰਥਨਾ ਕਰ ਰਹੇ ਹਾਂ।
ਗੁਆਂਢ 'ਚ ਰਹਿਣ ਵਾਲੀ ਸੁਸਾਨਾ ਮੋਰਾ ਦਾ ਕਹਿਣਾ ਸੀ ਕਿ ਉਹ ਪਈ ਆਰਾਮ ਕਰ ਰਹੀ ਸੀ ਜਦ ਅਚਾਨਕ ਉਸ ਨੇ ਲੋਕਾਂ ਦਾ ਰੌਲਾ ਸੁਣਿਆ।
ਉਸ ਨੇ ਕਿਹਾ ਕਿ ਉਹ ਕੁਝ ਸਮਝ ਨਹੀਂ ਸਕੀ ਕਿਉਂਕਿ ਲੋਕ ਅੰਗਰੇਜ਼ੀ 'ਚ ਗੱਲ ਨਹੀਂ ਕਰ ਰਹੇ ਸਨ।
ਯਾਦ ਰਹੇ ਘਟਨਾ ਮੌਕੇ ਫਾਇਰ ਟੀਮਾਂ ਨੂੰ ਐਤਵਾਰ ਸ਼ਾਮ ਕਰੀਬ 7.30 ਵਜੇ ਸੱਦਿਆ ਗਿਆ ਸੀ।
ਘਰ 'ਚ ਸਮੋਕ ਅਲਾਰਮ ਕੰਮ ਕਰ ਰਹੇ ਸਨ ਜਾਂ ਨਹੀਂ ਇਸ ਦੀ ਫਿਲਹਾਲ ਸਪਸ਼ਟ ਜਾਣਕਾਰੀ ਨਹੀਂ ਹੈ।
