15.92C Vancouver 15.92C VancouverJan 6, 2023 12:06 AM - The Canadian Press
ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਦਾ ਕਹਿਣਾ ਹੈ ਕਿ ਐਬਟਸਫੋਰਡ ਦੇ ਇੱਕ ਪੁਲਿਸ ਅਫ਼ਸਰ ਖਿਲਾਫ ਕੋਈ ਦੋਸ਼ ਤੈਅ ਨਹੀਂ ਕੀਤੇ ਜਾ ਰਹੇ ਹਨ।
ਮਾਮਲਾ ਇੱਕ ਵਿਅਕਤੀ ਦੀ ਗ੍ਰਿਫਤਾਰੀ ਦੌਰਾਨ ਬੀਨ ਬੈਗ ਬੰਦੂਕ ਦੀ ਵਰਤੋਂ ਨਾਲ ਸੰਬੰਧਤ ਹੈ।
ਘਟਨਾ 'ਚ ਇੱਕ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ ਸੀ।
ਸਰਵਿਸ ਦੇ ਬਿਆਨ 'ਚ ਦੱਸਿਆ ਗਿਆ ਕਿ ਚਿਲਿਵੈਕ 'ਚ ਹੋਈ ਗ੍ਰਿਫਤਾਰੀ ਦੌਰਾਨ ਹਥਿਆਰ ਦੇ ਵਰਤੋਂ ਸੰਬੰਧੀ ਕੋਈ ਗਲਤ ਕਾਰਵਾਈ ਸੰਬੰਧੀ ਸਬੂਤ ਨਹੀਂ ਮਿਲ ਸਕੇ।
ਘਟਨਾ ਸਾਲ 2020 'ਚ ਮਾਰਚ ਮਹੀਨੇ 'ਚ ਵਾਪਰੀ ਸੀ।
ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨ ਆਫਿਸ ਆਫ ਬੀ.ਸੀ. ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਗਈ ਸੀ ਅਤੇ ਰਿਪੋਰਟ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੂੰ ਸੌਂਪੀ ਗਈ ਸੀ।
ਅੱਜ ਪ੍ਰਾਸੀਕਿਊਸ਼ਨ ਨੇ ਇੱਕ ਬਿਆਨ ਜਾਰੀ ਕਰ ਦੱਸਿਆ ਕਿ ਸ਼ੱਕੀ ਵਿਅਕਤੀ ਖਿਲਾਫ ਕਈ ਆਊਟਸਟੈਂਡਿੰਗ ਵਾਰੰਟ ਸਨ ਜੋ ਕਿ ਵਾਹਨਾਂ ਦੀ ਚੋਰੀ ਅਤੇ ਗ੍ਰਿਫਤਾਰੀ ਤੋਂ ਬਚਾਅ ਨਾਲ ਸੰਬੰਧਤ ਸਨ ਅਤੇ ਅਫਸਰਾਂ ਨੂੰ ਲੱਗਿਆ ਸੀ ਕਿ ਇਹ ਵਿਅਕਤੀ ਪੁਲਿਸ ਅਤੇ ਪਬਲਿਕ ਲਈ ਖਤਰਨਾਕ ਹੋ ਸਕਦਾ ਹੈ।
ਸਰਵਿਸ ਨੇ ਦੱਸਿਆ ਕਿ ਅਫ਼ਸਰ ਨੇ ਬੰਦੂਕ 8 ਵਾਰ ਚਲਾਈ ਸੀ ਅਤੇ ਸ਼ੱਕੀ ਨੂੰ 3 ਬੀਨਬੈਗ ਲੱਗੇ ਸਨ।
ਘਟਨਾ 'ਚ ਸ਼ੱਕੀ ਇੱਕ ਅਪਾਰਟਮੈਂਟ ਦੀ ਬਾਲਕੋਨੀ ਤੋਂ 2 ਮੰਜਿਲਾਂ ਹੇਠਾਂ ਡਿੱਗਿਆ ਸੀ ਅਤੇ ਉਸ ਦਾ ਗੁੱਟ ਅਤੇ ਅੱਡੀ ਵੀ ਟੁੱਟ ਗਏ ਸਨ।
ਹਾਲਾਂਕਿ ਸਰਵਿਸ ਦਾ ਕਹਿਣਾ ਸੀ ਕਿ ਅਜਿਹੇ ਸਬੂਤ ਨਹੀਂ ਮਿਲੇ ਕਿ ਸ਼ੱਕੀ ਪੁਲਿਸ ਦੇ ਵਾਰ ਕਾਰਨ ਹੇਠਾਂ ਡਿੱਗਿਆ ਹੋਵੇ।
