21.2C Vancouver 21.2C VancouverSep 23, 2025 4:11 PM - The Canadian Press
ਕਿਊਬੈਕ ਦੇ ਸ਼ਹਿਰ ਲੌਂਗੂਇਲ ਵਿਚ ਪੁਲਿਸ ਵਲੋਂ ਇੱਕ ਟੀਨਏਜਰ ਨੂੰ ਗੋਲੀ ਮਾਰਨ ਦਾ ਮਾਮਲਾ ਗਰਮਾਇਆ ਹੋਇਆ ਹੈ, ਜਿਸ ਵਿਚ ਉਸ ਦੀ ਐਤਵਾਰ ਦੁਪਹਿਰ ਨੂੰ ਮੌਤ ਹੋ ਗਈ।
ਸੂਬੇ ਦੇ ਪੁਲਿਸ ਵਾਚਡੌਗ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਜਿਸ ਦੀ ਮੁਖੀ ਬ੍ਰਿਗਿਟ ਬਿਸ਼ਪ ਨੇ ਮੰਗਲਵਾਰ ਨੂੰ ਇੱਕ ਮੀਡੀਆ ਕਾਨਫਰੰਸ ਵਿਚ ਜਾਂਚਕਰਤਾ ਵਲੋਂ ਹੁਣ ਤੱਕ ਇਕੱਠੇ ਕੀਤੇ ਸਬੂਤਾਂ ਬਾਰੇ ਕੁਝ ਵੇਰਵੇ ਪ੍ਰਦਾਨ ਕੀਤੇ, ਜਿਸ ਵਿਚ ਉਨ੍ਹਾਂ ਕਿਹਾ ਕਿ ਅਧਿਕਾਰੀਆਂ ਨੂੰ ਮੌਕੇ ਤੋਂ ਸਿਰਫ ਇੱਕ ਗੰਨ ਮਿਲੀ ਜੋ ਓਹੀ ਸੀ ਜਿਸ ਦੀ ਵਰਤੋਂ ਇੱਕ ਅਧਿਕਾਰੀ ਵਲੋਂ 15 ਸਾਲਾ ਨੂਰਨ ਰੇਜ਼ੇ 'ਤੇ ਗੋਲੀ ਚਲਾਉਣ ਲਈ ਕੀਤੀ ਗਈ ਸੀ।
ਉਨ੍ਹਾਂ ਦੀ ਟਿੱਪਣੀ ਤੋਂ ਪਤਾ ਚੱਲਦਾ ਹੈ ਕਿ ਘਟਨਾ ਵਾਲੀ ਥਾਂ 'ਤੇ ਕੋਈ ਹੋਰ ਗੰਨ ਨਹੀਂ ਸੀ। ਵਾਚਡੌਗ ਏਜੰਸੀ ਨੇ ਕਿਹਾ ਕਿ ਲੌਂਗੂਇਲ ਪੁਲਿਸ ਨੂੰ 21 ਸਤੰਬਰ ਨੂੰ ਦੁਪਹਿਰ 2:48 ਵਜੇ ਦੇ ਕਰੀਬ 911 'ਤੇ ਇੱਕ ਕਾਲ ਆਈ ਸੀ ਜਿਸ ਵਿਚ ਕਿਸੇ ਨੇ ਪਬਲਿਕ ਪਲੇਸ 'ਤੇ ਹਥਿਆਰਬੰਦ ਲੋਕਾਂ ਦੇ ਇੱਕ ਗਰੁੱਪ ਦੇ ਹੋਣ ਦਾ ਖਦਸ਼ਾ ਪ੍ਰਗਟਾਇਆ ਸੀ।
ਅਧਿਕਾਰੀ 10 ਮਿੰਟ ਵਿਚ ਘਟਨਾ ਸਥਾਨ 'ਤੇ ਪਹੁੰਚੇ ਅਤੇ ਚਸ਼ਮਦੀਦ ਗਵਾਹ ਮੁਤਾਬਕ, ਟੀਨਏਜਰ ਦੇ ਗਰੁੱਪ ਨੂੰ ਦੋ ਵਾਰ ਰੁਕੋ ਕਿਹਾ ਤੇ ਫਿਰ ਇੱਕ ਅਧਿਕਾਰੀ ਨੇ ਦੋ ਗੋਲੀਆਂ ਚਲਾਈਆਂ, ਉਸ ਨੇ ਕਿਹਾ ਕਿ ਸ਼ੂਟਿੰਗ ਦੋ ਸਕਿੰਟਾਂ ਵਿਚ ਹੋਈ, ਜਿਸ ਵਿਚ 15 ਸਾਲਾ ਬੱਚੇ ਨੂੰ ਤੁਰੰਤ ਗੋਲੀ ਮਾਰ ਦਿੱਤੀ ਗਈ।
ਨਾਬਾਲਗ ਦੇ ਪਿਤਾ Sharif Rezay ਅਤੇ ਦੋਸਤਾਂ ਨੇ ਉਸ ਨੂੰ ਇੱਕ ਨੇਕ ਦਿਲ ਅਤੇ ਜੈਂਟਲ ਦੱਸਿਆ ਅਤੇ ਕਿਹਾ ਕਿ ਜਦੋਂ ਉਸ ਨੂੰ ਗੋਲੀ ਮਾਰੀ ਗਈ ਤਾਂ ਉਹ ਸਿਰਫ਼ ਕਿਤਾਬਾਂ ਵਾਲਾ ਸਕੂਲ ਬੈਗ ਲੈ ਕੇ ਜਾ ਰਿਹਾ ਸੀ।
