ਬਰਨਬੀ 'ਚ ਸਕੂਲੀ ਬੱਸ ਨਾਲ ਗੱਡੀ ਦੀ ਟੱਕਰ, ਜਾਂਚ ਦੌਰਾਨ ਹੋਏ ਕੈਸ਼, ਡਰੱਗਸ ਤੇ ਹਥਿਆਰਾਂ ਬਾਰੇ ਖੁਲਾਸੇ

ਬਰਨਬੀ 'ਚ ਇੱਕ ਵਿਅਕਤੀ ਨੂੰ ਹਿਰਾਸਤ 'ਚ ਲਿਆ ਗਿਆ ਹੈ।

ਅਜਿਹਾ ਉਸ ਵੇਲੇ ਹੋਇਆ ਜਦ ਕਥਿਤ ਤੌਰ 'ਤੇ ਇਸ ਵਿਅਕਤੀ ਨੇ ਇੰਪੇਅਰਡ ਸਥਿਤੀ 'ਚ ਇੱਕ ਸਕੂਲ ਬੱਸ 'ਚ ਗੱਡੀ ਠੋਕ ਦਿੱਤੀ।

ਪੁਲਿਸ ਨੇ ਇੱਕ ਨਿਊਜ਼ ਰਿਲੀਜ਼ 'ਚ ਦੱਸਿਆ ਕਿ ਘਟਨਾ ਮੌਂਟੇਸੀਟੋ ਐਲੀਮੈਂਟਰੀ ਕੋਲ ਵੀਰਵਾਰ ਦੁਪਹਿਰ ਕਰੀਬ 3.40ਮਿੰਟ 'ਤੇ ਵਾਪਰੀ।

ਇਹ ਬੱਸ ਇੱਕ ਨੇੜੇ ਦੇ ਕੈਥੋਲਿਕ ਸਕੂਲ ਦੀ ਸੀ ਅਤੇ ਘਟਨਾ ਮੌਕੇ ਬੱਸ 'ਚ ਬੱਚੇ ਸਵਾਰ ਸਨ।

ਘਟਨਾ 'ਚ ਕਿਸੇ ਬੱਚੇ ਦੇ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ ਹੈ।

ਪੁਲਿਸ ਦਾ ਕਹਿਣਾ ਹੈ ਕਿ ਬਰਨਬੀ ਦੇ ਇੱਕ 20 ਸਾਲਾ ਵਿਅਕਤੀ ਨੂੰ ਹਿਰਾਸਤ 'ਚ ਲਿਆ ਗਿਆ ਹੈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਉਸ ਨੇ ਡਰੱਗਸ ਦਾ ਸੇਵਨ ਕੀਤਾ ਹੋਇਆ ਸੀ।

ਇਸ ਵਿਅਕਤੀ ਤੋਂ ਵੱਡੀ ਗਿਣਤੀ 'ਚ ਕੈਸ਼, ਗੈਰਕਨੂੰਨੀ ਡਰੱਗਸ ਅਤੇ ਕੁਝ ਹਥਿਆਰ ਵੀ ਬਰਾਮਦ ਹੋਏ ਦੱਸੇ ਗਏ ਹਨ।

ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਇਸ ਵਿਅਕਤੀ ਖਿਲਾਫ ਮੋਟਰ ਵਹੀਕਲ ਐਕਟ ਤਹਿਤ ਦੋਸ਼ ਲਗਾਉਣ ਤੋਂ ਇਲਾਵਾ ਅਪਰਾਧਿਕ, ਇੰਪੇਅਰਡ ਡਰਾਈਵਿੰਗ, ਡਰੱਗ ਤਸਕਰੀ ਅਤੇ ਹਥਿਆਰ ਰੱਖਣ ਸੰਬੰਧੀ ਦੋਸ਼ ਲਗਾਏ ਜਾ ਰਹੇ ਹਨ।

ਬਰਨਬੀ ਆਰ.ਸੀ.ਐਮ.ਪੀ. ਦਾ ਟਵੀਟ:

A suspected impaired driver is in custody after crashing into a school bus.

Students from a Catholic school were on board, but there were no injuries.

The suspect took off but was arrested by Burnaby RCMP’s Youth Section.

Drugs & weapons seized.