23.03C Vancouver 23.03C VancouverDec 10, 2020 1:07 AM -
ਹੈਲਥ ਕੈਨੇਡਾ ਨੇ ਫਾਈਜ਼ਰ ਅਤੇ ਬਾਇਓਐਨਟੈਕ ਦੀ ਕੋਵਿਡ-19 ਵੈਕਸੀਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਇਸ ਦੇ ਨਾਲ ਹੀ ਅਗਲੇ ਹਫ਼ਤੇ ਤੋਂ ਦੇਸ਼ ਭਰ 'ਚ ਵੈਕਸੀਨੇਸ਼ਨ ਦਾ ਸ਼ੁਰੂਆਤੀ ਦੌਰ ਅਰੰਭਿਆ ਜਾ ਸਕੇਗਾ।
ਹੈਲਥ ਕੈਨੇਡਾ ਦੀ ਚੀਫ਼ ਮੈਡਿਕਲ ਐਡਵਾਈਜ਼ਰ, ਡਾ. ਸੁਪ੍ਰਿਯਾ ਸ਼ਰਮਾ ਦਾ ਕਹਿਣਾ ਹੈ ਕਿ ਵੈਕਸੀਨ ਨੂੰ ਹਰੀ ਝੰਡੀ ਵਿਗਿਆਨ ਅਤੇ ਸਬੂਤਾਂ 'ਤੇ ਅਧਾਰਿਤ ਰੀਵਿਊ ਤੋਂ ਬਾਅਦ ਵਿਖਾਈ ਗਈ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹਾ ਕੋਈ ਵੱਡਾ ਸਬੂਤ ਨਹੀਂ ਹੈ ਕਿ ਇਸ ਸ਼ੌਟ ਦੇ ਕੋਈ ਮਾੜੇ ਰੀਐਕਸ਼ਨ ਵੇਖਣ ਨੂੰ ਮਿਲੇ ਹੋਣ।
ਡਾ. ਸੁਪ੍ਰਿਯਾ ਸ਼ਰਮਾ ਨੇ ਕਿਹਾ ਕਿ, ਉਹ ਖੁਦ ਅਤੇ ਹੋਰ ਸਿਹਤ ਅਧਿਕਾਰੀ ਇੰਨੇ ਛੋਟੇ ਸਮੇਂ 'ਚ ਮਿਲੀ ਕਾਮਯਾਬੀ ਤੋਂ ਅਚੰਭਿਤ ਹਨ।
ਉਨ੍ਹਾਂ ਕਿਹਾ ਕਿ ਇਸ ਮਨਜ਼ੂਰੀ ਦੀ ਪ੍ਰੀਕਿਰਿਆ ਨੂੰ ਵੱਧ ਤੋਂ ਵੱਧ ਖੁੱਲ੍ਹਾ ਅਤੇ ਪਾਰਦਰਸ਼ੀ ਰੱਖਣ ਲਈ ਸਰਕਾਰ ਦੀ ਕੋਵਿਡ-19 ਵੈਬਸਾਈਟ 'ਤੇ ਇਸ ਦੀ ਟੈਕਨੀਕਲ ਜਾਣਕਾਰੀ ਪਬਲਿਸ਼ ਕੀਤੀ ਜਾ ਰਹੀ ਹੈ।
