21.1C Vancouver 21.1C VancouverMar 16, 2022 12:56 AM - The Canadian Press
ਵਾਸ਼ਿੰਗਟਨ ਸਟੇਟ ਅਤੇ ਬੀ.ਸੀ. ਦੇ ਲੀਡਰ ਇੱਕ ਕਰਾਰ 'ਤੇ ਪਹੁੰਚੇ ਹਨ।
ਇਸ ਤਹਿਤ ਦੋਵਾਂ ਪਾਸਿਆਂ ਵੱਲੋਂ ਰਲ ਕੇ ਕੰਮ ਕੀਤਾ ਜਾਵੇਗਾ ਤਾਂ ਜੋ ਨੁਕਸੈਕ ਦਰਿਆ ਸੰਬੰਧੀ ਇੱਕ ਫਲਡਿੰਗ ਪ੍ਰਿਵੈਂਸ਼ਨ ਪਲੈਨ ਅਤੇ ਰਿਸਪਾਂਸ ਨੂੰ ਸਥਾਪਿਤ ਕੀਤਾ ਜਾ ਸਕੇ।
ਦੱਖਣੀ ਬੀ.ਸੀ. ਅਤੇ ਉੱਤਰੀ ਵਾਸ਼ਿੰਗਟਨ 'ਚ ਬੀਤੇ ਸਾਲ ਨਵੰਬਰ 'ਚ ਆਏ ਹੜ੍ਹਾਂ ਵਿਚਾਲੇ ਕਰੀਬ 500 ਲੋਕ ਬੇਘਰ ਹੋ ਗਏ ਸਨ।
ਇਸ ਦੌਰਾਨ ਕੈਨੇਡਾ ਵਾਲੇ ਪਾਸੇ ਕਰੀਬ 14,000 ਲੋਕ ਘਰਾਂ ਨੂੰ ਛੱਡ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਣ ਲਈ ਮਜਬੂਰ ਹੋਏ ਸਨ।
ਵਾਸ਼ਿੰਗਟਨ ਦੇ ਗਵਰਨਰ ਜੇ ਇੰਸਲੀ ਨੇ ਕਿਹਾ ਕਿ ਵਧਦੀ ਜਨਸੰਖਿਆ, ਡਿਵੈਲਪਮੈਂਟ ਅਤੇ ਮੌਸਮੀ ਬਦਲਾਅ ਵਿਚਾਲੇ ਹੜ੍ਹਾਂ ਦਾ ਖਤਰਾ ਵੀ ਵਧਦਾ ਜਾਵੇਗਾ ਅਤੇ ਇਸ ਦੇ ਲਈ ਲਗਾਤਾਰ ਕੰਮ ਕਰਨਾ ਜਰੂਰੀ ਹੈ।
ਯਾਦ ਰਹੇ ਬੀ.ਸੀ. ਵੱਲੋਂ ਅਗਲੇ 3 ਸਾਲ ਲਈ ਹੜ੍ਹਾਂ ਦੀ ਮਾਰ ਝੱਲ ਰਹੇ ਲੋਕਾਂ ਅਤੇ ਕਮਿਊਨਿਟੀਸ 'ਚ ਰਾਹਤ ਲਈ $1.5 ਬਿਲੀਅਨ ਦਾ ਬਜਟ ਰੱਖਿਆ ਗਿਆ ਹੈ।
ਐਬਟਸਫੋਰਡ ਦੇ ਮੇਅਰ ਹੈਨਰੀ ਬ੍ਰਾਊਨ ਨੇ ਵਧੇਰੇ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਮਦਦ ਲਈ ਅਪੀਲ ਕੀਤੀ ਹੈ ਜਿਸ ਨਾਲ ਨੁਕਸੈਕ ਦਰਿਆ ਸੰਬੰਧੀ ਮਸਲਿਆਂ ਦਾ ਹੱਲ ਕੀਤਾ ਜਾ ਸਕੇ।
