12.76C Vancouver 12.76C VancouverMay 20, 2021 7:27 PM -
ਨੌਰਥ ਵੈਨਕੂਵਰ ਦੇ ਵਿੱਚ ਤੜਕੇ ਲਗਾਏ ਗਏ ਇੱਕ ਰੋਡ-ਬਲੌਕ ਦੌਰਾਨ ਇੱਕ ਗੱਡੀ ਵਿੱਚੋਂ ਕੈਸ਼, ਡਰੱਗਸ ਅਤੇ ਚਾਕੂ ਬਰਾਮਦ ਹੋਏ ਹਨ।
ਮਾਮਲਾ 18 ਮਈ ਦਾ ਦੱਸਿਆ ਗਿਆ ਹੈ।
ਤੜਕੇ ਕਰੀਬ 3 ਵਜੇ ਨੌਰਥ ਵੈਨਕੂਵਰ ਆਰ.ਸੀ.ਐਮ.ਪੀ. ਅਫ਼ਸਰਾਂ ਵੱਲੋਂ ਕੈਪਿਲਾਨੋ ਰੋਡ ਅਤੇ ਮਰੀਨ ਡਰਾਈਵ ਕੋਲ ਇੰਪੇਅਰਡ ਡਰਾਈਵਿੰਗ ਸੰਬੰਧੀ ਰੋਡਚੈੱਕ ਲਗਾਏ ਗਏ ਸਨ।
ਇਸੇ ਦੌਰਾਨ ਇੱਕ ਨਵੀਂ ਰੇਂਜ ਰੋਵਰ ਗੱਡੀ ਨੂੰ ਰੋਕਿਆ ਗਿਆ।
ਇਸੇ ਦੌਰਾਨ ਪੁੱਛਗਿੱਛ 'ਚ ਅਫ਼ਸਰ ਨੂੰ ਵਿਖਾਈ ਦਿੱਤਾ ਕਿ ਰੇਂਜ ਰੋਵਰ 'ਚ ਸਵਾਰ ਇੱਕ ਵਿਅਕਤੀ ਲੋਅਰ ਮੇਨਲੈਂਡ 'ਚ ਜਾਰੀ ਗੈਂਗ ਹਿੰਸਾ ਨਾਲ ਸੰਬੰਧਤ ਮੰਨਿਆ ਜਾ ਰਿਹਾ ਸ਼ੱਕੀ ਹੈ।
ਇਸ ਤੋਂ ਬਾਅਦ ਜਾਂਚ 'ਚ ਗੱਡੀ ਵਿੱਚੋਂ ਵੱਡੀ ਗਿਣਤੀ 'ਚ ਕੈਸ਼, ਸ਼ੱਕੀ ਪ੍ਰਕਾਰ ਦੀਆਂ ਗੋਲੀਆਂ ਦੇ 2 ਝੋਲੇ ਅਤੇ ਚਾਕੂ ਬਰਾਮਦ ਹੋਇਆ।
ਕੈਸ਼, ਡਰੱਗਸ ਅਤੇ ਚਾਕੂ ਨੂੰ ਜਬਤ ਕਰ ਲਿਆ ਗਿਆ ਅਤੇ ਮਾਮਲੇ 'ਚ ਜਾਂਚ ਜਾਰੀ ਹੈ।
ਪੁਲਿਸ ਵੱਲੋਂ ਜਾਰੀ ਪ੍ਰੈਸ ਬਿਆਨ ਲਈ ਕਲਿੱਕ ਕਰੋ:
